正宗京菜豐澤園 (已結業)

今晚同Miss食飯，想搵番間近著Poly，我地掙紮左好耐，去「霸王山莊」定呢間，最終因為想坐耐D，所以就揀呢度。我地四人($485) 叫左：蔥爆牛肉、北京填鴨、北京炒年糕、糖醋魚塊，同高力豆沙。首先蔥爆牛肉，拿左妤耐ge牛肉，無乜牛味，反而我鐘意食D蔥，好夠香。跟著北京填鴨，佢係正宗北京做法，連皮同肉一齊片，味道幾香，但皮唔夠脆炒年糕，60蚊好大碟，好多料，海味、鮮蝦等，不過我嫌年糕唔夠Q (唔識打煙X)糖醋魚塊，我好鐘意佢個汁，甜甜酸酸，不過第一啖覺得有點腥雪味，但食落就無左最後甜品高力豆沙，第一啖咬落去，口感超好，彈牙得黎又軟綿綿，可惜當咬到落D豆沙就失曬真，豆沙竟然係凍！埋單個陣好攪笑，我地問部長Poly職員有無折，佢唔係好知係乜，睇左陣就話無，之後臨走，佢問我地係咪poly學生，跟著話佢地無設discount比poly，不過下次會送甜品喎，幾識逢客！服務幾好架，值得一試，雖然每碟菜要由60至>120，但我覺得好食過黃家沙少少、翡翠多。