影片
更多
2019-05-27
1407 瀏覽
因為屋企人有初一、十五食齋嘅習慣，所以有時都會留意吓邊到有啲好食/特別嘅素食餐廳，可以帶屋企人食吓。近年見到素食自助餐越嚟越流行，價錢方面亦都變得越嚟越相宜，即使係晚市時段都只係百令蚊，比起去一啲傳統素食菜館化算好多。今次就去咗銅鑼灣一間新開無耐嘅試下，主要係因為見到有沙律吧同可以自製素漢堡，作為一個麵包控，真係去到邊都要食包！之前都有試過其他素食放題，擠迫嘅環境真係坐得唔太舒服。而今次依間環境相比之下光鮮同闊落好多。最期待嘅沙律吧真係有唔少配料，有沙律菜、青瓜、蕃茄、紅腰豆、紅椒、洋蔥、粟米、西蘭花、南瓜、菠蘿、蘋果、木瓜、青蘋果、橙等等⋯而醬料就有千島同黑松露沙律醬而沙律吧旁邊就有烘麵包機！即烘熱辣辣嘅麵包真係特別好食！除左有圓型啲漢堡包之外，亦有法包提供！可以自製漢堡或多士之用！唔止有新鮮生果，另外仲有一部乾果機，即時製作新鮮蘋果、香橙、蕃茄乾等等第3樣吸引我嘅就係一堆炸物喇！有茄子、秋葵、南瓜、金菇、香蕉、蠔餅等⋯每樣都炸得好鬆脆，而我最愛嘅就係炸香蕉！熱辣辣，外脆內軟，香甜好食！另外當然亦有傳統少少嘅素菜類，豆卜、豆腐、木耳、冬菇、蓮藕、茄子、四季豆、南瓜、甜酸齋、涼拌系列等
因為屋企人有初一、十五食齋嘅習慣，所以有時都會留意吓邊到有啲好食/特別嘅素食餐廳，可以帶屋企人食吓。近年見到素食自助餐越嚟越流行，價錢方面亦都變得越嚟越相宜，即使係晚市時段都只係百令蚊，比起去一啲傳統素食菜館化算好多。
今次就去咗銅鑼灣一間新開無耐嘅試下，主要係因為見到有沙律吧同可以自製素漢堡，作為一個麵包控，真係去到邊都要食包！
之前都有試過其他素食放題，擠迫嘅環境真係坐得唔太舒服。而今次依間環境相比之下光鮮同闊落好多。
最期待嘅沙律吧真係有唔少配料，有沙律菜、青瓜、蕃茄、紅腰豆、紅椒、洋蔥、粟米、西蘭花、南瓜、菠蘿、蘋果、木瓜、青蘋果、橙等等⋯而醬料就有千島同黑松露沙律醬
而沙律吧旁邊就有烘麵包機！即烘熱辣辣嘅麵包真係特別好食！除左有圓型啲漢堡包之外，亦有法包提供！可以自製漢堡或多士之用！
唔止有新鮮生果，另外仲有一部乾果機，即時製作新鮮蘋果、香橙、蕃茄乾等等
第3樣吸引我嘅就係一堆炸物喇！有茄子、秋葵、南瓜、金菇、香蕉、蠔餅等⋯每樣都炸得好鬆脆，而我最愛嘅就係炸香蕉！熱辣辣，外脆內軟，香甜好食！
另外當然亦有傳統少少嘅素菜類，豆卜、豆腐、木耳、冬菇、蓮藕、茄子、四季豆、南瓜、甜酸齋、涼拌系列等等⋯
要有米飯落肚嘅話，亦有炒飯、炒米粉提供。想特色少少嘅話，另一邊竟然仲有蓮蓉壽桃包、饅頭⋯同素糉！不過因為太多野食，唔敢開隻素糉試，怕食唔曬，所以唔知入面有咩餡！
自助餐當然唔可以缺少甜品！有蓮蓉糯米糍、反沙芋、馬蹄糕同中式甜品提供。當日有紫薯西米露，煲得好香滑，好好食！
當日我主力都係食沙律吧同自製素漢堡～素漢堡扒有啲似炸可樂餅，外脆內軟得嚟亦有口感，應該混合咗紅蘿蔔、木耳、薯仔等等多種材料而成。再配合埋生菜、青瓜、蕃茄、菠蘿同松露沙律醬，豐富得嚟又健康美味！一定要食素漢堡！推薦推薦！
******************************
晚市時段
18:00-19:10 $108
19:15-20:30 $138
20:30-21:50 $108
******************************
放下素 (銅鑼灣)
銅鑼灣登龍街28號永光中心3樓
******************************
張貼
