真味鮮廚

營業中

休息中

噚晚同太太再去食晚飯，叫了九層塔雙牛仔骨(48蚊)、海味豬骨湯莧菜煲(52蚊)，仲有伙計推介海虎蝦兩隻茄汁焗(每隻38蚊)，個牛仔骨多少骨，唔係咁抵；莧菜煲就夠晒件頭，比較鹹，仲有發現一少塊報紙碎，幾失敗；至於個蝦味道算OK，但推介時話幾大隻，點知到好細隻，個頭就大，兩就食完，都係唔抵食，我本來想叫銀雪魚，價錢平好多，份量都會多，點知聽佢講要呢兩隻蝦，搞到冇乜食咁。所以下次都係堅持己見，唔好亂信推介囉。飯後好在有甜品送，我要南瓜西米露，都幾好味！