泰國人海南雞 (大壩街) (已結業)

係荃灣行到肚餓，諗左陣想食海南雞飯，就黎左依間泰國人海南雞。兩個人一人叫左一個下午茶海南雞飯餐，一個油飯，一個白飯。啲海南雞係好食既，唔會乾身，食落幾滑幾juicy，係食完一舊想再食多舊既味道！下午茶份量黎講，係完全夠哂，雞同飯都岩岩好，直頭可以當晚餐。要話一話既就係跟餐個湯有啲油，只係食左舊冬瓜就放棄左個湯，係油到完全唔想飲。環境都大既，唔會好迫好焗促，咁熱既天氣，冷氣都夠，所以係唔錯既。待應既態度都幾好，唔錯。