葫同日式燒肉 (禧利街) (已結業)

今晚約朋友食間評價唔錯既餐廳慰勞下自己。好耐無食過燒肉，一來怕一身油煙味，二來怕麻煩要自己燒。上網睇到呢間餐廳會有人幫你燒同食客話唔會有油煙味就一於去試下。餐廳好方便，地鐵站一出行過兩條街就到，位置幾醒目，好易搵。餐廳入面位置不多，我地被安排坐窗口位，可以望住街景，幾舒服。食方面有set 同散叫，我地就叫左個$600兩人套餐，有肉有菜，再加多個至愛鰻魚飯$99。鰻魚飯都唔錯，分量都不少，鰻魚夠厚身好軟熟，米飯軟硬適中，混理鰻魚汁來食好好味，每啖都好香啊。和風沙津比相象中大碗，食第一啖竟然會有少少辣味，可能因為有生洋蔥緣故，入面重有海帶，幾特別，食D沙津會無甘膩。烤肉醬牛胸脊，油分雪花分佈好靚，芝麻佈滿在牛肉上面搞到好吸引，未燒都想就甘食。口感好軟熟，好有牛肉香。辣味噌牛肋條，牛肉味比牛胸脊更濃，肉質更為結實，頗有咬口，可惜我唔太食得辣，覺得辣左少少。冷麵，除左有肉食，重有麵令你有飽足感。餐廳好有心思，將兩種不同的蕎麥麵混理一齊，增加口感，配上芝麻汁，真係好有日式感覺。麵條爽口彈牙，煮得軟硬度剛好。