影片
更多
2019-02-03
71 瀏覽
終於收工喇，今晚好開心，終於約到班好耐無見嘅姐妹出來聚下。今次揀咗位處上環嘅我愛慢煮。呢間係一間新開嘅餐廳，雖然要上斜坡，但都好易搵到。首先要推嘅，係賣相相當吸引的慢煮36小時紐西蘭牛面肉，不但肉質鮮甜，口感特別。最重要係佢經過幾十小時的炮製，D牛好入味，好鬆化，唔會咬唔到，令人一試難忘。另外，我地都叫左比較經典既美國黑安格斯牛肉眼，黎到既感覺仲以為佢係慢煮！表面係熟透既肉色，一切開，入面都係鮮嫩既紅色，但又唔會有血水同血腥味，而且脂肪分佈好平均好香口，12oz岩哂一班朋友一齊分享，鍾意食牛既朋友絕對唔可以錯過！其次，佢嘅Pizza亦相當吸引。因為本身好喜歡食三文魚，所以一見到三文魚加Pizza就即刻想試，結果出人意表地好。我地叫咗日式蛋黃醬粟米煙三文魚薄餅，個蛋黃醬好入味，而且有芝士，真係好夾味。即刻食曬半個pie，如果有一個就更加好喇。👍🏻除左主菜，我地仲叫左個小食拼盤一齊食。因為呢個基本上已經包括哂我地想食既小食，可以一次過滿足幾個願望！1. 蕃薯條，雖然都唔係d咩好特別既野，但又唔係間間西餐都有，之前一直好想食，因為好甜好好食，配埋黑松露醬，令人不自覺地食唔停口！2. 炸魚手指
終於收工喇，今晚好開心，終於約到班好耐無見嘅姐妹出來聚下。今次揀咗位處上環嘅我愛慢煮。呢間係一間新開嘅餐廳，雖然要上斜坡，但都好易搵到。
首先要推嘅，係賣相相當吸引的慢煮
36小時紐西蘭牛面肉，不但肉質鮮甜，口感特別。最重要係佢經過幾十小時的炮製，D牛好入味，好鬆化，唔會咬唔到，令人一試難忘。
另外，我地都叫左比較經典既美國黑安格斯牛肉眼，黎到既感覺仲以為佢係慢煮！表面係熟透既肉色，一切開，入面都係鮮嫩既紅色，但又唔會有血水同血腥味，而且脂肪分佈好平均好香口，12oz岩哂一班朋友一齊分享，鍾意食牛既朋友絕對唔可以錯過！
其次，佢嘅Pizza亦相當吸引。因為本身好喜歡食三文魚，所以一見到三文魚加Pizza就即刻想試，結果出人意表地好。我地叫咗日式蛋黃醬粟米煙三文魚薄餅，個蛋黃醬好入味，而且有芝士，真係好夾味。即刻食曬半個pie，如果有一個就更加好喇。👍🏻
除左主菜，我地仲叫左個小食拼盤一齊食。因為呢個基本上已經包括哂我地想食既小食，可以一次過滿足幾個願望！1. 蕃薯條，雖然都唔係d咩好特別既野，但又唔係間間西餐都有，之前一直好想食，因為好甜好好食，配埋黑松露醬，令人不自覺地食唔停口！2. 炸魚手指，注意，係魚柳咁既size既魚手指！肉質比魚柳實，亦更有魚既鮮味。3. 七味單骨雞翼，唔洗驚雞骨hi到塊面，好香脆，咬落仲有肉汁，唔會炸到乾哂之餘亦唔會好油，女士都唔怕食。4. 墨西哥粟米花，食左咁多肉，係時候食番d蔬菜類既野，粟米切開左一舊舊，表層塗滿左少少辣、好惹味既醬汁，配合埋粟米既香甜，連唔食辣既我都食哂成舊！5.最後仲有芝士條，唔多講，鍾意食芝士就會明。
配菜方面，我地仲叫左個薯蓉仔，見佢咁平就叫黎試下。份量與價錢成正比，但好香牛油味，而且好幼滑，過下口癮唔錯。
再者，佢杯特飲都好特別，我叫咗杯芒果蜜桃水果茶，D水果味好清甜。不過怕甜嘅朋友可能會嫌佢有少少甜。
總括而言，如果想約朋友聚會，又擔心時間限制，可以選擇呢間餐廳。不但地理位置方便，又多食物選擇，仲要推慢煮嘅style，真係好新穎呀！
張貼
