Lo Spazio (已結業)

老友去完旅行返黎約我食 lunch, 順便派手信, 正所謂一日不見如隔三秋, 朋友去旅行前就已經book定呢間餐廳, 事關我地要搵個服務一流又舒服又唔迫嘅地方坐番2-3個鐘, 邊食邊講, recap番成個禮拜冇見大家做過D咩, 仲之就係咩都講一餐啦。呢間樓上餐廳O係恩平道, 我地由希慎行過去唔駛2分鐘就到, 好易揾新界朋友仔唔怕蕩失路。今次我地點左set lunch BBQ Pork Belly同Chicken Thigh。首先上枱既係南瓜湯, 南瓜沒有完全打成南瓜蓉, 保留丁點咬口, 味道香濃軟滑值得細味品嚐; 至於BBQ Pork Belly同Chicken Thigh, 一D都不平凡, 肉質又腍又滑非常入味, 仲要厚切我呢D師奶仔最鍾意俾10個like。