影片
更多
2021-08-20
184 瀏覽
訂咗好耐都訂唔到位，於是上星期六去walk-in試吓lunch食唔食到，1點上到去門口姐姐話2位要1點半先有位，等半個鐘ok呀，等咗15分鐘後，有另外一家3口表示冇訂位想walk-in，我正當以為佢要同我一樣等到1點半果陣，門口姐姐竟然話有位可以入得，我即刻嚇咗一跳，既然有位比3個入，點解唔比我更早拎飛嘅我地2位呢，差15分鐘，算我等。1點半準時入場，落湯底揀咗個198套餐。第一轉叫野先叫4盤牛再加咗其它5樣野每樣1盤，諗住第一次食睇下個份量，費時食唔曬浪費。等咗約10分鐘，第一份轉野到。一睇到個分量當堂嚇咗一跳，每盤牛只有2塊透光薄片，仲要黎得果3盤，其它野每盤2件，唔緊要份量小唔夠咪叫多幾轉囉，少咗一盤牛就以為係執單D人執漏1盤，人誰無錯呢。我立即再叫多一轉6盤牛加其它野，由於第一轉黎得太少，兩個人唔夠10分鐘以經食曬，點之食曬第2轉都未到，等多5分鐘之後，第2轉到，點知到係黎得3盤牛，好我再叫6盤牛，都係黎得3盤，我再一次叫多6盤都係黎得3盤。無論我落幾多盤，都係黎3盤，每盤都係得2塊透光薄片，對於鐘意食牛既我，呢個份量真係唔夠喉。食咗50分鐘後，服務員過黎放低咗本bill bo
1點半準時入場，落湯底揀咗個198套餐。第一轉叫野先叫4盤牛再加咗其它5樣野每樣1盤，諗住第一次食睇下個份量，費時食唔曬浪費。等咗約10分鐘，第一份轉野到。一睇到個分量當堂嚇咗一跳，每盤牛只有2塊透光薄片，仲要黎得果3盤，其它野每盤2件，唔緊要份量小唔夠咪叫多幾轉囉，少咗一盤牛就以為係執單D人執漏1盤，人誰無錯呢。我立即再叫多一轉6盤牛加其它野，由於第一轉黎得太少，兩個人唔夠10分鐘以經食曬，點之食曬第2轉都未到，等多5分鐘之後，第2轉到，點知到係黎得3盤牛，好我再叫6盤牛，都係黎得3盤，我再一次叫多6盤都係黎得3盤。無論我落幾多盤，都係黎3盤，每盤都係得2塊透光薄片，對於鐘意食牛既我，呢個份量真係唔夠喉。
食咗50分鐘後，服務員過黎放低咗本bill book表示仲有10分鐘last order同埋要埋單先（正常操作，冇不滿），由於真係未飽，於是決定叫多D，慢慢食埋果40分鐘，結果發現個system最多只準落10盤牛，心諗加埋其他野都應該夠，算。當然不負所望黎得果3盤牛。我火都黎埋，由於真係唔夠喉，我立即截單前落多幾盤牛（太火關係，老㩒唔記得實數）約5分鐘後服務員過表示要埋單先，我再唔抑壓我嘅怒火表示你黎齊D野我咪埋張單囉，當時佢呆咗約5秒問我仲差D咩，我用好掘的態度叫佢自己睇機囉，佢立即驚我唔埋單口窒窒咁話如果D野陸續出緊佢會睇唔我落咗嘅野會差D咩，所以最好直接同佢講差D咩未黎，佢叫人立即拎比我，算佢講得合理。我見時間都差唔多，叫得多都淥唔切，表示你黎多5盤牛就算。約5分鐘後，終於有5盤野放係我面前，心諗係要人唔肯埋單先黎齊D野，賤格。既然5號盤野到咗，我立刻埋張單，費事搞到自己好似無理取鬧同賴死唔走。正當我食咗4盤，準備食第5盤果丌車竟然發現最後最底果盤竟然係吉嘅，係乾乾淨淨一D肉碎同脂肪醉都冇嘅吉盤，我星星佢個魚蝦蟹，由於單又埋咗，又差唔多夠鐘，嘈起上黎只會自己蝕底的關係，唯有谷住度氣，氣沖沖咁走人。
呢幾年都食唔少任飲火鍋，真係冇遇過呢種以往任食火鍋黎唔足野的陋習，正當以為呢種陋習以經係香港消失之際，竟然仲比我遇到。
最後講番兩樣野係好嘅，湯底夠味唔錯，D野食淥完唔使點豉油，黑色墨魚滑夠味好香。不過你叫牛大人呀，唔通齋飲個湯底同食你食墨魚滑咩！完！
張貼