影片
更多
2022-07-06
466 瀏覽
相約友人嚟東大街吃頓晚飯，本來想翻兜上次幫襯過嗰間點心專門店，點知有人好眼利，見到對面開左間新食肆，話要過去試下。餐廳門口貼有餐牌，午市主打粉麵飯，而晚市則以小菜為主， 另外亦有兩款特價二人餐可供選擇。兩款二人套餐都好吸引，心大心細，最後揀左個 A 餐 ($388)，再加咗碟菠蘿咕嚕肉 ($78)。先嚟頭盤冰鎮凍鮑魚，鮑魚送上時已切片，食落肉質好清甜，爽滑富嚼勁，而且味道亦唔錯，微酸中又帶點酒香，冰涼透心，好適合熱辣辣嘅天氣享用。跟住係一碟三燒腩叉，叉燒面頭淋上了醬汁及灑了粒粒芝麻，食落肉質好鬆化，帶甜又唔肥膩，而且最正就係仲有燶邊，用嚟配鮮香嘅油飯 (+$12) 吃，味道一流。蒜蓉蒸黃花魚，條魚好新鮮，肉厚又唔鬆散，而且蒸煮嘅時間同火候亦掌握得啱啱好，肉質幼滑，蒜蓉嘅份量亦下得好慷慨，入口啖啖蒜香，好滋味！鹹蛋肉碎茄子扇，碟茄子嘅擺盤好精美，以扇子造型登場，睇得出廚師好用心烹調，誠意十足。茄肉煮得好軟熟，夠腍身又入味。面層鋪滿了鹹蛋黃同肉碎，入口鹹香惹味。菠蘿咕嚕肉，咕嚕肉即叫即炸，肉質半肥瘦，外層嘅脆漿厚薄適中，入口外脆內嫩。醬汁嘅酸甜度亦啱啱好，配菜嘅菠蘿係用新鮮菠蘿，所以食落特
餐廳門口貼有餐牌，午市主打粉麵飯，而晚市則以小菜為主， 另外亦有兩款特價二人餐可供選擇。
兩款二人套餐都好吸引，心大心細，最後揀左個 A 餐 ($388)，再加咗碟菠蘿咕嚕肉 ($78)。
先嚟頭盤冰鎮凍鮑魚，鮑魚送上時已切片，食落肉質好清甜，爽滑富嚼勁，而且味道亦唔錯，微酸中又帶點酒香，冰涼透心，好適合熱辣辣嘅天氣享用。
跟住係一碟三燒腩叉，叉燒面頭淋上了醬汁及灑了粒粒芝麻，食落肉質好鬆化，帶甜又唔肥膩，而且最正就係仲有燶邊，用嚟配鮮香嘅油飯 (+$12) 吃，味道一流。
蒜蓉蒸黃花魚，條魚好新鮮，肉厚又唔鬆散，而且蒸煮嘅時間同火候亦掌握得啱啱好，肉質幼滑，蒜蓉嘅份量亦下得好慷慨，入口啖啖蒜香，好滋味！
鹹蛋肉碎茄子扇，碟茄子嘅擺盤好精美，以扇子造型登場，睇得出廚師好用心烹調，誠意十足。茄肉煮得好軟熟，夠腍身又入味。面層鋪滿了鹹蛋黃同肉碎，入口鹹香惹味。
菠蘿咕嚕肉，咕嚕肉即叫即炸，肉質半肥瘦，外層嘅脆漿厚薄適中，入口外脆內嫩。醬汁嘅酸甜度亦啱啱好，配菜嘅菠蘿係用新鮮菠蘿，所以食落特別多汁甜美，好味。
餐廳全日免收加一，非常抵食，下次要再嚟試下其他小菜。
張貼
