The Place

最近成日食Buffet，不過呢間我真係想講下，因為我睇完食評王去試，點知都係失望而回！首先因為我唔食蠔，所以要回本就緊係要向刺身同泠盤入手，是晚除生蠔外，尚有魚生及少量款式的刺身，另有蟹腳、龍蝦仔及一般的青口和蝦，點知除了龍蝦仔有少少海水味之外，其他所有嘢都無味，唔單止係無食材本原本的鮮味外，而係咩味都無，蝦無蝦味，蟹無蟹味，如果搵塊布蒙住我隻眼，我真係食唔到呢啲係咩，最離譜係最基本的三文魚都無味，真係三分錢、半分貨！並不是本人要求高，而是一行六人有都有同感。成晚最好食的只可算是羊扒、咖哩和有鐵線的帶子，帶子一出要即食，如果唔係都唔使試，因為係個爐度焗到老晒，甜品都幾好，貪其＂的的式式＂細細杯咁，食多幾款都得，又唔使浪費食物！總括來說食物質數真是一般，但就勁唔抵，因為好食的都是平價貨色，環境可以，服務就不錯，值得一讚是當我們發現帶子有鐵線後，經理跟進後都很主動跟我們道歉，並免了我們一個人頭，所以我哋先無咁嬲！