影片
更多
2014-06-26
3413 瀏覽
是咁的⋯間餐廳12點先開門，但聽講未開門就已經好多人排隊，所以我地三個女仔決定提早半個鐘去等佢開門！心諗應該唔會真係有人排嘅，點知真係有人早過我地，所以我建議大家想食午餐不妨早少少，免得排2-3個鐘都冇得食。終於到我地啦，裡面嗰個都係靚女侍應，為配合台灣風格，由入坐到點菜佢地都通常用普通話（佢地都聽得明廣東話嘅）入到去，冷氣好凍，不過啱哂係出面等到流哂汗嘅我地！侍應仲好好招呼同我地講限時90分鐘～同埋每人最低消費係「一杯飲品」。環境舒適，好啱成班同學仔或者同事一齊去坐下傾下計嫁！其實入去之前我地已經諗好哂食咩，就決定叫咗一個主菜「總匯三文治」，一個甜品「士多啤梨窩夫」同埋每人一杯嘢飲。總匯三文治同唔同普通嘅公司三文治，唔好睇落佢細細份，但其實我地三個女仔一人一件，食完嗰三文治已經開始飽飽地。啖啖雞肉，加上其他蕃茄啊生菜啊等等，中間仲冇點落沙律醬，啱哂啲怕肥女仔（好似我咁）跟住仲到甜品啦，叫咗個招牌甜品「士多啤梨窩夫」啲新鮮士多啤梨連埋啲士多啤梨醬真係好甜好好味！下面其實仲有士多啤梨果肉雪糕同埋啲吉士醬，我地即刻每人一件搽啲雪糕同吉士，味道啱啱好，唔太甜。不過嗰窩夫本身有啲硬，唔夠軟或者
終於到我地啦，裡面嗰個都係靚女侍應，為配合台灣風格，由入坐到點菜佢地都通常用普通話（佢地都聽得明廣東話嘅）入到去，冷氣好凍，不過啱哂係出面等到流哂汗嘅我地！侍應仲好好招呼同我地講限時90分鐘～同埋每人最低消費係「一杯飲品」。環境舒適，好啱成班同學仔或者同事一齊去坐下傾下計嫁！
其實入去之前我地已經諗好哂食咩，就決定叫咗一個主菜「總匯三文治」，一個甜品「士多啤梨窩夫」同埋每人一杯嘢飲。
總匯三文治同唔同普通嘅公司三文治，唔好睇落佢細細份，但其實我地三個女仔一人一件，食完嗰三文治已經開始飽飽地。啖啖雞肉，加上其他蕃茄啊生菜啊等等，中間仲冇點落沙律醬，啱哂啲怕肥女仔（好似我咁）
跟住仲到甜品啦，叫咗個招牌甜品「士多啤梨窩夫」啲新鮮士多啤梨連埋啲士多啤梨醬真係好甜好好味！下面其實仲有士多啤梨果肉雪糕同埋啲吉士醬，我地即刻每人一件搽啲雪糕同吉士，味道啱啱好，唔太甜。不過嗰窩夫本身有啲硬，唔夠軟或者脆，可能係我地唔夠襯熱食掛！
我地三杯飲品包括係美式摩卡，果茶，同埋蘋果汁。杯摩卡咖啡味偏濃，連埋上面啲cream，味道啱啱好！果茶，酸酸地甜甜地，裡面都有好多唔同生果，口感十足好開胃好健康！最後係蘋果汁，唔好見佢只係蘋果汁，我問過侍應，原來樽樽都係台灣空運番尼，出面冇得買嫁！仲有為咗令到蘋果汁更加特別，啲杯同冰整到好似飲whiskey咁，好特別！
張貼
