第三站

剛與朋友在花園街，波鞋街血拼完畢。買左大袋，細袋戰利品。花左咁多精力，真係要搵個比較靜，又坐得舒服，又可以坐得耐嘅西餐廳，一邊坐一邊聚舊。朋友建議我到金雞廣場嘅25樓第三站餐廳。點解叫Station 3 Cafe?? 哈哈，我直至現在都唔知。😊但好肯定呢度餐廳服務員有禮貌，食物價錢也算大眾化。最重要可以坐好耐，沒有限時。而且，白色Sofa非常舒服。服務員帶我們到廂房坐，真係好知我地心意。可以慢慢講是非🤭🤭🤭。食物叫了煙三文魚野菌闊條麵，三文魚砌成玫瑰花狀，都幾吸引。闊條麵份量足夠兩個女士食。👍小食就有蜜糖雞翼和松露薯條。兩個小食都好香炸。是聊天不可缺少嘅食物選擇。💖加38蚊，跟餐會有田園沙律，藍莓芝士蛋糕。亦有飲品跟餐，我就叫左榛子朱古力，上面仲有cream。真係超級抵食。將餐廳撥入list裡面，下次再嚟幫襯。