影片
更多
2018-03-16
153 瀏覽
一餐豐富午餐😊一入到去，你會覺得餐廳好開揚既感覺，有d位置仲會望到會展既景觀同海。感覺好舒服，而且老闆服務好好，會主動過來幫你落單同問你有咩需要。我地叫左兩個套餐，一個馳名西班牙橡果級別黑毛豬，一個香煎加洲鱸魚柳配日本刺身鮮帶子及黑松露。聽到個名都感覺食材好高級，唔知來到好唔好食呢！我地加左每位$55要個海鮮拼盤。海鮮拼盤好快就送上，有生蠔、帶子、象拔蚌、大蝦同鮑魚刺身，$55絕對係超值！一定要試一試。生蠔唔算好大隻，不過就好夠新鮮，仲有海水味。帶子用左蜜糖水浸住，同帶子個味原來好夾，成杯咁食，過癮而且好味。象拔蚌數量有好多，同埋夠新鮮，大蝦刺身都好大隻之餘仲好爽甜。大大隻既鮑魚刺身都係第一次食，比想像中好食好多 ，好有鮮味。整體海鮮拼盤都係物超所值既！之後來左個凍盤先，係甜蝦沙律😋，甜蝦雖然得兩三隻，但係都足以令人回味。之後來左個蒜蓉餐包，焗得好脆口，蒜蓉味都好香。個是日餐湯其實唔知係咩名，但係都好夠味，好好飲，而且都好多料，飲完有小小飽肚感，但主菜其實仲未到。期待已久既主菜終於到，有兩大塊黑毛豬咁多😱😱餐廳真係好足料，因為通常好多西餐廳都只有一塊細細塊，而且食完都唔飽。塊黑毛豬完全
一入到去，你會覺得餐廳好開揚既感覺，有d位置仲會望到會展既景觀同海。感覺好舒服，而且老闆服務好好，會主動過來幫你落單同問你有咩需要。
我地叫左兩個套餐，一個馳名西班牙橡果級別黑毛豬，一個香煎加洲鱸魚柳配日本刺身鮮帶子及黑松露。聽到個名都感覺食材好高級，唔知來到好唔好食呢！
我地加左每位$55要個海鮮拼盤。
海鮮拼盤好快就送上，有生蠔、帶子、象拔蚌、大蝦同鮑魚刺身，$55絕對係超值！一定要試一試。生蠔唔算好大隻，不過就好夠新鮮，仲有海水味。帶子用左蜜糖水浸住，同帶子個味原來好夾，成杯咁食，過癮而且好味。象拔蚌數量有好多，同埋夠新鮮，大蝦刺身都好大隻之餘仲好爽甜。大大隻既鮑魚刺身都係第一次食，比想像中好食好多 ，好有鮮味。整體海鮮拼盤都係物超所值既！
之後來左個凍盤先，係甜蝦沙律😋，甜蝦雖然得兩三隻，但係都足以令人回味。
之後來左個蒜蓉餐包，焗得好脆口，蒜蓉味都好香。
個是日餐湯其實唔知係咩名，但係都好夠味，好好飲，而且都好多料，飲完有小小飽肚感，但主菜其實仲未到。
期待已久既主菜終於到，有兩大塊黑毛豬咁多😱😱餐廳真係好足料，因為通常好多西餐廳都只有一塊細細塊，而且食完都唔飽。塊黑毛豬完全係勁嫩滑，細細塊一入口好正，而且餐廳整得好入味，呢個我比滿分，最後食埋側面d配菜 有紫薯🤤，好滿足。
最後有是但甜品送反，個紫薯蛋糕賣相都好靚好好食，為這餐飯畫上完美的句號。
張貼
