影片
更多
2023-10-23
11 瀏覽
呢間串燒店係尖沙咀寶勒巷商厦入面…其實都幾隱蔽。如果唔係朋友帶路…真係好可能錯過左一間好味串燒店。呢度地方唔大…長bar檯…格局有日本feel…感覺幾正。可惜訂位時無左bar檯位置…睇唔到師傅為我的地準備食物。(見到人地坐bar檯…氣氛好正🤩🤩🤩)餐牌選擇唔太多…感覺幾專注係店員協助下俾意見…好快柯打完。轉個頭店員姐姐放低左一碟顏色好靚既調味料。入面有梅子…抹茶…咖哩…山椒同檸檬味既鹽…仲有七味粉…一味粉。我個人鍾意點個抹茶…咖哩鹽同山椒。同串燒好夾師傅好細心燒時調味都會調得淡少少…等客人可以再按自己喜好點不同鹽或味粉增加味道開始啦…我唔客氣了🤤🤤🤤雪魚乾 呢個正常啦…間間都差唔多…配個沙律醬點都唔會甩拖既…免治雞肉棒 自家製免治雞肉 呢個好好味…入面有好多軟骨粒…最重要係好有雞味雞皮…雞頸肉…雞翼…雞腿肉…呢4樣都燒得好好…應脆既脆…應嫩既嫩…尤其喜歡呢度既雞皮同雞翼秋葵…淮山…秋葵加左鰹魚片…我就好鍾意個燒淮山香蔥豚肉卷 豚肉包住好多蔥…如果你鍾意食蔥…呢個好啱你燒飯團 最尾黎個燒飯團作為結尾師傅對每一樣食材…燒既時間都掌握得好好…調味好好…會留番少少空間俾佢準備左既調味粉同鹽要提
呢度地方唔大…長bar檯…格局有日本feel…感覺幾正。可惜訂位時無左bar檯位置…睇唔到師傅為我的地準備食物。(見到人地坐bar檯…氣氛好正🤩🤩🤩)
餐牌選擇唔太多…感覺幾專注
係店員協助下俾意見…好快柯打完。轉個頭店員姐姐放低左一碟顏色好靚既調味料。入面有梅子…抹茶…咖哩…山椒同檸檬味既鹽…仲有七味粉…一味粉。我個人鍾意點個抹茶…咖哩鹽同山椒。同串燒好夾
師傅好細心燒時調味都會調得淡少少…等客人可以再按自己喜好點不同鹽或味粉增加味道
開始啦…我唔客氣了🤤🤤🤤
雪魚乾 呢個正常啦…間間都差唔多…配個沙律醬點都唔會甩拖既…
免治雞肉棒 自家製免治雞肉 呢個好好味…入面有好多軟骨粒…最重要係好有雞味
雞皮…雞頸肉…雞翼…雞腿肉…呢4樣都燒得好好…應脆既脆…應嫩既嫩…尤其喜歡呢度既雞皮同雞翼
秋葵…淮山…秋葵加左鰹魚片…我就好鍾意個燒淮山
香蔥豚肉卷 豚肉包住好多蔥…如果你鍾意食蔥…呢個好啱你
燒飯團 最尾黎個燒飯團作為結尾
師傅對每一樣食材…燒既時間都掌握得好好…調味好好…會留番少少空間俾佢準備左既調味粉同鹽
要提下呢度有個露天位…如果天氣涼d的話可以坐室外傾下計…仲可以隨時去"呼吸"下😏😏
張貼
