炊豕店 (加路連山道) (已結業)

特登嚟呢度食，因為啲裝修好有懷舊feel, 叫左個$65嘅套餐，有一碗避風塘豬扒撈粗麵，加杯中國濃茶，諗住咁食法可以襯番呢度嘅氣氛，一邊食一邊欣賞呢度落左唔少心機嘅裝修，粗麵質感好好，冇用到非常精製嘅麵粉去做，有啲粗糙，咬感好好，塊豬扒又香又大塊，用避風塘炒蟹嘅方法去整呢碗麵，夠曬創意，亦好香口，忍唔住叫埋個椒鹽魷魚鬚($38)，好快就上枱，熱辣辣，咬落去面頭脆卜卜，魷魚又煙煙勒勒，夠香口又過隱，好味道。