福岡漢堡扒 (厚福街) (已結業)

今日喺尖沙咀行街，周圍都人頭湧湧，我哋決定行去厚福街搵餐廳食飯。見到福岡漢堡扒有位，一於入去食。二人套餐三百幾蚊埋單，有沙律、湯、漢堡扒、牛肉飯同埋飲品，都幾抵食。食完沙律飲完湯之後漢堡扒就出現，厚厚的漢堡扒好吸引😍之後侍應放好熱石同埋吸油煙嘅喉管，之後就可以開始啦！每次攞少少肉放喺熱石上面，煎幾秒就要反，如果唔係就會燶😌 有啲似打機咁樣，一路食一路玩，幾開心的。漢堡扒好juicy，配拉絲芝士好正。不過煎嘅時候都會彈少少油，要小心啊。