548
44
10
開飯介紹
來自韓國的品牌，主打不同口味的石燒和牛漢堡扒，以100%澳洲和牛製作，並供應爐具讓客人自行煎漢堡扒，好吃又好玩；另外亦有供應牛丼。
繼續閱讀
營業時間
今日營業
11:30 - 23:00
星期一至日
11:30 - 23:00
以上資料只供參考, 請與餐廳確認詳情
有關獎賞計劃
食家推介
相關文章
呢間起厚福街開咗好耐，間唔時有見身邊朋友post instagram story，可以自己煎漢堡扒，玩得又食得幾過癮👩🏻🍳除咗漢堡扒套餐之外，依家仲有二人套餐，有五個唔同組合俾大家揀叫咗個1號二人餐，比起單叫抵食好多！▶️ 雞蛋和牛漢堡扒 (中)賣相好新奇得意，一大個鐵板上面打咗隻蛋，中間有一大嚿圓轆轆嘅生免治和牛漢堡 (160g)等住你去燒可以按自己喜好用鐵鏟切出想燒嘅漢堡扒size，跟住放上石燒🔥輕輕力按10秒再反轉就ok啦！個人鍾意薄燒，口感正啲；厚燒就會再juicy啲，可能做到半生熟效果原來都好考技巧🙈唔小心放耐咗就燶咗，但係燶咗嘅口感唔錯，食落脆口，係冇咁健康同少少苦囉～🐂 用上100%澳洲和牛漢堡扒，肉質細緻而完全唔韌，放入口仲充滿油脂，好juicy，朋友形容為「入口即溶」 (不過食食吓覺得佢少少油膩🫢一路煎，啲油不斷滲出)牛味唔算好突出，少少都有嘅🤏🏻啱晒我呢啲本身唔係特別鍾意食牛嘅人🧂漢堡扒本身已經有味(應該有調過味)不過我都有點豉油食，因為佢個豉油唔係好濃味，鹽就冇點面頭仲有啲青蔥絲，令佢煎起上嚟香啲🍳下面嘅雞蛋基本上好快熟咗，本身冇咩味道，口感上邊邊位少香脆而中間就spongy啲，建議趁早起佢半熟嘅狀態度食▶️ 芝士蛋和牛漢堡扒 (中+$8加大）同上面一模一樣，只係多咗芝士🧀放起石燒到自然開始同漢堡扒融為一體朋友覺得芝士可有可無，可能因為芝士味道唔特別濃，同埋漢堡扒本身好夠味▶️ 忌廉芝士沙律新鮮嘅沙律菜上面放咗幾塊麵包同一啲cream cheese，然後灑上granola🥗沙律菜幾新鮮，配上柚子味醋汁，味道甜甜地又唔酸，十分之開胃沙律菜加granola都係第一次試~granola本身脆卜卜，呢個組合有幾得意喎Cream cheese味道唔太「芝士」，味道甜甜地，質地好creamy好似牛油咁，攞咗嚟搽麵包食可惜麵包唔太好食🍞又唔脆又唔軟熟😅仲要小心佢浸咗落底部嘅沙律醬汁會濕朋友好醒目咁攞咗去石燒板烤返脆😂都係一種補救方法嚟～▶️ 白飯x2碗白飯都幾大，一定夠餸漢堡扒食🍚飯嘅口感唔錯，用上珍珠米，好飽滿我仲攞咗泡菜撈飯食😌因為佢啲泡菜完全唔辣而夠鹹，咬落好爽脆▶️ 麵豉湯明顯係用粉溝出嚟，味道頗鹹，但非常濃味▶️ 飲品-罐裝烏龍茶可以幫助消滯🙈haha-難怪係漢堡扒專門店，用嘅漢堡扒係靚料👍🏻最好係成個過程可以自己燒，玩得開心之餘又可以按自己味道喜好熟度，有flexibility喺度，令每啖都食得滿意值得一讚係佢服務超好，全部後生仔女，個個都好有禮貌☺️又會教你點樣燒，又會主動幫你換石板，仲會提你唔好放咁耐如果唔係會燶 (雖然成日會唔記得）上菜又快手，手機落完單轉個頭就上舖頭本身唔算好大，但可以容納到唔少食客，坐落舒服，感覺唔壓迫不過二人套餐太豐富，張枱唔夠放，最後個沙律放咗喺隔離😂每個位置都有個獨立抽氣位 (要對準先會抽得好，會見到啲氣好似包住嚿肉咁吸咗入個管道)💨加上舖頭通風系統好，食完唔會成身油煙味或成面油全部嘢大大份足料，又有沙律，又有飲品，又有湯，平均$180/人，性價比算抵食想同朋友出去食，但又唔想淨係坐喺度傾偈，絕對可以考慮來「玩」吓，算易上手，煎多幾塊漢堡扒就變高手😎唔想燒都可以叫丼飯，同樣享受到和牛⚠️提示：小心煎牛扒嘅時候啲油會彈出嚟，可能會辣到，或者整污糟白色衫
繼續閱讀
尖沙咀日韓石燒漢堡扒今日返工好忙碌，放工諗住食好啲，見到尖沙咀厚福街呢間些少漢堡扒幾吸引，同埋好多人排隊，就入嚟試吓。環境細小但係好熱鬧，夜晚可能要等下。跟餐配味噌湯、沙律、白飯，夠晒飽肚。見到二人餐幾抵食，有兩個食小漢堡扒、一個指定飯、兩杯嘢飲，乜都唔使諗，另收+1服務費石燒上面有強力吸煙機對著，減少油煙，店員都會定時換熱石，時刻保持熱力給客人燒，熱辣辣嘅石頭，放舊肉上去3秒就可以轉。另外仲提供大袋比客人放袋入去，以免吸晒油煙味 兩人套餐(Ver.4) $366-菠蘿煙肉和牛津堡扒-芝士蛋蒜和牛漢堡扒一開始即刻食咗周圍嘅蛋先，或者拎落去撈飯。圓圓的免治牛肉漢堡扒好吸睛，混合了一半肥膏，口感嫩滑不會粗糙，而且燒落去唔會痴低。即燒即食夠晒邪惡熱氣，有得玩有得食，客人可以根據自己喜好落調味，提供鹽、泡菜和燒肉汁。芝士泡豚丼大大碗韓式芝士泡菜豬肉飯，滿滿的豬肉片和韓式醬料，少少辣多多趣西柚特飲 $18金橋檸檬特飲 $18大大杯冰鎮梳打汽水，必叫#芝士蛋和牛肉漢堡扒服務質素：7/10環境舒適度：6/10ᶘ ᵒᴥᵒᶅ個人口味評分：7/10
繼續閱讀
呢間漢堡扒燒肉店長期人氣高企，今次我哋6點就嚟食，唔使排隊等位🤭我哋要咗個二人餐，有M size菠蘿煙肉和牛漢堡扒、M size 芝士蛋蒜和牛漢堡扒、芝士泡菜豚丼同埋兩個飲品。電子落單後店員就會送上麵豉湯同埋椰菜沙律。食呢款石燒和牛漢堡扒絕對係邊玩邊食，店員教將漢堡扒波波切一小份出嚟，然後鋪喺高達400度嘅熱石上面，用小鏟子輕輕按壓，每3秒返轉一次，燒成自己鍾意嘅生熟程度。熱石果然好夠熱，一放落去冇幾耐就可以燒成焦香嘅漢堡扒，裏面保持肉汁，牛味香濃😋塊石仲要唔黐底，真係好玩又好食。店員仲會留意住你夠食嘅熱度，唔夠熱會幫客人換石👍🏻另外燒煙肉都好正，熱力迫晒油分出嚟，煙肉焦香，唔會覺得油膩😋燒菠蘿都好好食，充分發揮菠蘿嘅香甜多汁😍兩款和牛漢堡扒其實都有蛋，呢個蛋絕對唔係配角，因為溝埋一啲芝士好香好正😋芝士蛋選嗰款，仲會有啲甜蒜頭片鋪喺蛋面上，甜甜地又香又惹味😍芝士泡菜豚肉丼望落去超紅，以為會好辣，但係食落又OK，泡菜嘅酸辣酸辣加上香濃奶香芝士，勁邪惡🙈豚肉片亦都唔會嚡，成個配搭好好，好好餸飯😆
繼續閱讀
旺角花園街近新寶戲院附近有大量不同種類的食肆,收工過咗嚟呢頭搵食,找到這家叫福罔漢堡扒的小店,這店的主打是石燒和牛漢堡扒, 上桌時會提供一件生的漢堡和牛肉球, 鐵板上放有一嚿燒熱左的熱石在旁邊, 客人可根據自己的喜好自行在熱石上煎漢堡扒。我地兩個人叫左個二人套餐。三百零文已經包括兩份鐵板和牛漢堡扒, 一份芝士泡豚肉飯及飲品,份量頗多,另包埋泡菜,蘿蔔絲沙律和麵豉湯, 即使三個人可能也夠食,算是幾抵食。餐廳環境舒適簡約,每張枱上面都有抽煙器, 以確保室內空氣清新及唔會油淋淋。店員也很友善及helplful, 開始時會先示範教你燒第一次,亦會替客人留意熱石會唔會凍左及時安排更換。菠蘿煙肉和牛漢堡扒, 菠蘿片清甜配合煙肉及芝士蛋,口感已十分豐富,最特別是一球生的和牛肉,按自己喜好切出所需分量放上去的熱石上自己煎,無論是燒焦程度,厚度,生熟度全部由自己控制,牛肉油脂豐富,煎至外表焦香,咬開裏面仍然juicy 爆汁就最正。芝士蛋蒜和牛漢堡扒,同樣是一球生的和牛肉,可自行在熱石上煎,只是將菠蘿換成大量的蒜片, 相比之下大量的蒜片感覺比較重口味, 但和芝士蛋配合一起完全沒違和感,食落非常之香口惹味。芝士炮豚丼飯,好大碗份量好多,大量五花腩及香辣泡菜之上加入一層香濃芝士,芝士加泡菜撈埋吃完全不會覺得過辣,即使我們都不嗜辣也覺得非常易入口和惹味。天然蜂蜜柚子茶,蜂蜜柚子茶我們選了熱飲,雖然其實只是比較普通的一款飲品, 但仍感到頗足料,裡面有大量柚子肉。百香果特飲, 一上桌見到,內心馬上哇一聲,真係超大杯,而且熱情果味超濃,絕對是真材實料,酸酸甜甜既開胃又易入口。
繼續閱讀
💎總評分：7.0/10-食burger嘅餐廳就多，但專門食漢堡扒嘅地方就較少見😯！餐廳實屬韓國過江龍，除左招牌鐵板熱石漢堡扒外，仲有炸雞🐓、薯條🍟同韓式主食🇰🇷等，每個座位都有安裝獨立抽氣位，燒肉時對準熱石就可以抽走油煙！ 1️⃣ 兩人套餐04 $336所有兩人套餐都包左二人味增湯🥣、棷菜沙律🥙、飲品🧃、一個主食🍚，兩個漢堡扒🤩，餐廳名物緊係要一人一份！Set 04標籤左為情侶推介🤔，應該係漢堡扒口味不同，可以兩個人share，再跟一個飯，男士大食D都夠飽😹！🍖菠蘿煙肉和牛漢堡扒 / 芝士蛋蒜和牛漢堡扒 成個波咁大嘅漢堡扒俾蛋漿圍住🥚，喺鐵板上面處於全生狀態，每次分成小份用熱石煎熟♨️，每邊幾秒好快就熟左。兩款漢堡扒嘅肉係一樣，預先醃得入味😋，不同之處在於配料，配芝士蛋蒜重量級惹味🧀，配菠蘿煙肉有少少清甜balance反一下🍍，用煎蛋夾住一啖擺入口，極度滋味🤤！個人覺得唔需要額外加醬油或鹽，已經好夠味，不過真係好重油份😖，一路煎一路睇住D油滋滋聲咁滲出嚟，真係食爆一星期quota呀😭！🍚 芝士泡豚丼飯 份量驚人，差不多有三碗飯😎！巨碗蓋滿芝士泡菜豚肉🐖，充滿韓風口味，熱辣辣上枱時勁香🤤，邊攪拌邊見到芝士拉絲，超邪惡！跟餐附送嘅嘢飲可以免費選擇罐裝飲品🧃，或者加$38升級特飲！用餐體驗幾得意，店員會停時更換熱石🗿，仲會俾個索繩袋你keep住大褸同大件隨身物品，服務細心❤️。不過雖然已經一人一個抽氣位，但係肉嘅油份頗多調味濃，食完難免會有少少油煙味🫢~ 去食嗰日女士盡量避免着毛毛褸吸晒啲味啦😬！-環境服務：⭐⭐⭐食物質數：⭐⭐⭐打卡指數：⭐⭐⭐
繼續閱讀
您可能會有興趣的...