影片
更多
2020-05-29
1577 瀏覽
是次慶祝朋友嘅生日飯，食咗最貴嘅「月」set。1. 魚子醬海膽絹豆腐絹豆腐係一種日本出產嘅豆腐，係用豆漿再添加凝固劑而製成的，質地食落比較細膩幼滑。師傳係絹豆腐上面再加咗馬糞紫海膽、法國魚子醬，同少量wasabi，夾埋個醬汁，使到整個豆腐味道變得濃郁甘甜而又帶點清新感。2. 鮫鰈魚薄刺身配紫蘇花鮫鰈魚係一種白身魚，因為油份較輕，魚味會較為淡，一般都會蘸上柚子酢一併食用，而師傳今次更配以紫蘇花嘅食法，使到刺身帶有淡淡嘅花蜜味，味道令人驚喜。3. 象拔蚌刺身師傳將象拔蚌刺身切成條狀再用昆布托底，象拔蚌肉質爽脆，再配以青檸汁，令人食慾大增。4. 原隻海膽配三文魚子紫海膽係北海道夏天當造嘅海膽，帶有海水味，味道較淡及清爽。師傅故意用咗特製醬汁醃製三文魚魚子去配搭，再灑上少量柚子皮，因此味道會偏甜，而海膽嘅味道亦唔會被三文魚子本身嘅咸味而蓋過。5. 炙燒地金目鯛刺身地金目鯛嘅表皮用咗火槍輕輕炙燒過後變得甘香鬆脆，而肉質柔軟細膩，形成一種強烈對比，師傅再係表皮搽上特製嘅醬汁，食完即有種入口即溶嘅感覺。正呀！6. 蘋果木煙燻鰹魚師傅用咗蘋果木去做煙燻製作，所以食嘅時候除咗會食到鰹魚嘅甜味之外，仲會有
1. 魚子醬海膽絹豆腐
絹豆腐係一種日本出產嘅豆腐，係用豆漿再添加凝固劑而製成的，質地食落比較細膩幼滑。師傳係絹豆腐上面再加咗馬糞紫海膽、法國魚子醬，同少量wasabi，夾埋個醬汁，使到整個豆腐味道變得濃郁甘甜而又帶點清新感。
2. 鮫鰈魚薄刺身配紫蘇花
鮫鰈魚係一種白身魚，因為油份較輕，魚味會較為淡，一般都會蘸上柚子酢一併食用，而師傳今次更配以紫蘇花嘅食法，使到刺身帶有淡淡嘅花蜜味，味道令人驚喜。
3. 象拔蚌刺身
師傳將象拔蚌刺身切成條狀再用昆布托底，象拔蚌肉質爽脆，再配以青檸汁，令人食慾大增。
4. 原隻海膽配三文魚子
紫海膽係北海道夏天當造嘅海膽，帶有海水味，味道較淡及清爽。師傅故意用咗特製醬汁醃製三文魚魚子去配搭，再灑上少量柚子皮，因此味道會偏甜，而海膽嘅味道亦唔會被三文魚子本身嘅咸味而蓋過。
5. 炙燒地金目鯛刺身
地金目鯛嘅表皮用咗火槍輕輕炙燒過後變得甘香鬆脆，而肉質柔軟細膩，形成一種強烈對比，師傅再係表皮搽上特製嘅醬汁，食完即有種入口即溶嘅感覺。正呀！
6. 蘋果木煙燻鰹魚
師傅用咗蘋果木去做煙燻製作，所以食嘅時候除咗會食到鰹魚嘅甜味之外，仲會有淡淡嘅蘋果木香。
7. 冬菇蝦魚丸湯
湯底清淡，但加入日本冬菇同由師傅用咗櫻花蝦、虎蝦、白身魚絞成嘅蝦魚丸，即令湯嘅層次味道增加不少。
8. 鮑魚茶碗蒸
師傅用咗肉質鮮嫩嘅南非鮑魚去做呢個茶碗蒸，再淋上茨汁並配上少量嘅花作調味，整個味道濃郁又帶點花嘅清幽香味。
9. 海鰻、蟹丸天婦羅
師傅分別用咗松葉蟹、奄仔蟹製作成蟹丸，還有海鰻，裹上澱粉漿而油炸成的天婦羅香脆可口。
介紹埋餘下嘅壽司八貫：
1. 真鯛壽司
師傅係真鯛壽司上面搽上醬汁再加少許蔥，從而大大提昇真鯛嘅鮮味。
2. 炙燒北寄貝壽司
師傅先係北寄貝𠝹上網狀花紋再放係壽司飯上，再用火槍輕輕炙燒北寄貝嘅表面，加上青檸汁，味道帶點清新又混合咗炙燒嘅香味，口感彈牙。
3. 牡丹蝦蝦醬蝦子壽司
北海道牡丹蝦捕獲時段為4-7月，若錯過咗，就好難食到啦。貴為北海道嘅蝦王，牡丹蝦蝦肉晶瑩剔透又肥美，師傅還將其蝦醬、蝦子放係壽司上面，一啖就品嚐到全隻蝦嘅精髓同鮮味，一絕！
4. 熟成鰤魚柳壽司
師傳用咗熟成方法去處理呢個壽司，先將鰤魚柳放存係一個穩定嘅濕度及溫度中（界乎0-1度）等佢發酵、氧化11日，魚肉中嘅酵素會鎖住魚油，令其肉質軟化，因而令到肉質及味道帶到另一個層次，再加少許柚子、胡椒調味，整個壽司嘅魚味會變得濃郁、肉質柔軟，跟平日新鮮嘅壽司相比下有好大差別。
5. 鮟鱇魚肝西瓜漬壽司
鮟鱇魚肝嘅做法係先用日本清酒浸泡，脫膜後再灑鹽讓水分排出，並用鋁箔紙包裹捏緊，讓整塊魚肝更結實，再蒸15分鐘後冷卻而成。師傅造嘅魚肝不僅無腥味，仲可以嚐到魚肝嘅香醇味道，再配合奈良西瓜漬，令整個壽司食起嚟令人開胃，減少膩感。
6. 鮫鰈魚壽司
來自北海道嘅鮫鰈魚，係右口魚品類中最肥美嘅一種。師傅特別揀選鮫鰈魚魚邊呢部分去做呢個壽司，貪其魚皮魚脂油分充足，經輕輕灼燒過後，逼出豐富嘅魚油，讓人食後有種齒頰留香嘅感覺。
7. 馬糞海膽毛蟹壽司
壽司分上下兩層，師傅先將毛蟹拆肉，放在底層，而上層則放馬糞海膽，一啖就能食出兩種海鮮嘅鮮甜味，完全滿足晒我呢啲貪心人嘅願望。
8. 大拖羅壽司
師傅揀選呢塊大拖羅，係屬於近魚鮫嘅位置，特點係油脂分佈均勻又無筋，食落會有種入口即溶嘅感覺。
宜家晚市仲要第二位有半價（加一服務費不包含半價優惠），優惠做埋六月就無㗎啦！店內位置唔多，所以建議有興趣嘅朋友記得要提早兩星期訂檯啦！
$2500
21 瀏覽
0 讚好
0 留言
張貼
