影片
更多
2020-04-09
197 瀏覽
由於太想念台灣、想念麻辣火鍋、想念鴨血，琴日就去咗尖沙咀食鼎王。🕢夜晚7點鬆啲，客人唔多去到門口店員就為我哋探熱、check 手腕位，同消毒雙手。我哋坐卡位，十分寬闊，應該係六人位嚟。之後店員好細心咁幫我哋消毒點餐嘅iPad ，同講解。等食期間奉上茶，邊飲邊等☺️。🥢我哋order咗二人餐（$588）同兩杯啤酒（$188），湯底係麻辣湯X酸菜白肉湯，麻辣湯係比較溫和唔搶喉的，藥材味不算好濃，我哋叫咗小辣，ok唔係太辣，非常適合唔食得辣但想食麻辣嘅朋友。白肉湯我覺得比較淡。而佢哋嘅辣度同酸度可以再加的。然後嘢食好快就到咗。豬/牛肉各半，肉質好新鮮好脆有咬口，但一啲都唔韌👍🏻，仲有肉丸、蛋餃、腐竹、滷大腸（超入味）、滷牛根、蔬菜同我好愛嘅老油條。❤️佢哋嘅鴨血、豆腐、酸菜都可以免費添加，我食麻辣火鍋最鍾意係食鴨血、豆腐同老油條，所以鼎王簡直係我嘅天堂🌈。同埋個餐食到好飽！飽到要行吓。原本我哋由旺角行落尖沙咀，食完再行返去旺角火車站😂。✅另外好欣賞佢哋嘅服務，細心有禮。唯一一點不足係因為限時90分鐘，差不多夠鍾，店員會提醒我哋用餐時間就到，所以不能慢慢食，去到最後我哋仲有少少未食哂，亦好快咁飲埋
由於太想念台灣、想念麻辣火鍋、想念鴨血，琴日就去咗尖沙咀食鼎王。
🕢夜晚7點鬆啲，客人唔多
去到門口店員就為我哋探熱、check 手腕位，同消毒雙手。我哋坐卡位，十分寬闊，應該係六人位嚟。之後店員好細心咁幫我哋消毒點餐嘅iPad ，同講解。等食期間奉上茶，邊飲邊等☺️。
🥢我哋order咗二人餐（$588）同兩杯啤酒（$188），湯底係麻辣湯X酸菜白肉湯，麻辣湯係比較溫和唔搶喉的，藥材味不算好濃，我哋叫咗小辣，ok唔係太辣，非常適合唔食得辣但想食麻辣嘅朋友。白肉湯我覺得比較淡。而佢哋嘅辣度同酸度可以再加的。
然後嘢食好快就到咗。豬/牛肉各半，肉質好新鮮好脆有咬口，但一啲都唔韌👍🏻，仲有肉丸、蛋餃、腐竹、滷大腸（超入味）、滷牛根、蔬菜同我好愛嘅老油條。
❤️佢哋嘅鴨血、豆腐、酸菜都可以免費添加，我食麻辣火鍋最鍾意係食鴨血、豆腐同老油條，所以鼎王簡直係我嘅天堂🌈。同埋個餐食到好飽！飽到要行吓。
原本我哋由旺角行落尖沙咀，食完再行返去旺角火車站😂。
✅另外好欣賞佢哋嘅服務，細心有禮。唯一一點不足係因為限時90分鐘，差不多夠鍾，店員會提醒我哋用餐時間就到，所以不能慢慢食，去到最後我哋仲有少少未食哂，亦好快咁飲埋杯啤酒走人。到我哋行出去見到其實門外冇人等位。
張貼
