影片
更多
2019-07-07
351 瀏覽
平時做得「食肉獸」多，會對腸胃造成傷害😫而近期興起嘅素食🥗一方面可以減輕腸胃嘅負擔另一方面可以幫助減少破壞性嘅氣候轉變☀️記得之前睇過一份報告📝因為人類食肉量激增，而處理牲畜嘅過程會產生有害嘅溫室氣體，破壞大片林木又會使用大量不可持續嘅食水而研究顯示，呢D都係令到氣候變化嘅主要原因所以素食既可以幫助自身又可以減少對環境嘅破壞何樂而不為呢？.對於素食，我會偏向揀素食BUFFET 因為款式多變，啱晒樣樣都想食嘅我🙈位於銅鑼灣登龍街嘅「放下素」就符合晒我嘅要求啦🙆♀️款式以中式熱葷為主而且只用天然食材，配上少油少鹽少糖嘅烹調令我哋食得更健康👍.BUFFET分為早市同晚市早市$72-$98晚市$108-$138每餐至少有80款唔同嘅選擇真係健康又抵食😎P.S. 有加一服務費～.為咗響應環保餐具每人各一份.由近門口開始先係沙律吧跟住係風乾生果機西式素食區最後係中式素食區同飲品區.🔸西式素食區有素食pizza，吉列薯餅，意大利青醬意粉等等最有意思嘅係紫薯炸蛋🥚第一次見到咁靚咁有心思嘅炸蛋🥰水煮蛋表面圍咗一層紫薯蓉再沾少少炸粉， 炸至金黃色食落外脆內軟，濃郁嘅蛋香帶點紫薯嘅香甜😋而素食pizza都唔錯
平時做得「食肉獸」多，會對腸胃造成傷害😫
而近期興起嘅素食🥗
一方面可以減輕腸胃嘅負擔
另一方面可以幫助減少破壞性嘅氣候轉變☀️
記得之前睇過一份報告📝
因為人類食肉量激增，而處理牲畜嘅過程
會產生有害嘅溫室氣體，破壞大片林木
又會使用大量不可持續嘅食水
而研究顯示，呢D都係令到氣候變化嘅主要原因
所以素食既可以幫助自身
又可以減少對環境嘅破壞
何樂而不為呢？
.
對於素食，我會偏向揀素食BUFFET
因為款式多變，啱晒樣樣都想食嘅我🙈
位於銅鑼灣登龍街嘅「放下素」
就符合晒我嘅要求啦🙆♀️
款式以中式熱葷為主
而且只用天然食材，配上少油少鹽少糖嘅烹調
令我哋食得更健康👍
.
BUFFET分為早市同晚市
早市$72-$98
晚市$108-$138
每餐至少有80款唔同嘅選擇
真係健康又抵食😎
P.S. 有加一服務費～
.
為咗響應環保
餐具每人各一份
.
由近門口開始
先係沙律吧
跟住係風乾生果機
西式素食區
最後係中式素食區同飲品區
.
🔸西式素食區
有素食pizza，吉列薯餅，意大利青醬意粉等等
最有意思嘅係紫薯炸蛋🥚
第一次見到咁靚咁有心思嘅炸蛋🥰
水煮蛋表面圍咗一層紫薯蓉
再沾少少炸粉， 炸至金黃色
食落外脆內軟，濃郁嘅蛋香帶點紫薯嘅香甜😋
而素食pizza都唔錯，口感薄脆
表層嘅蕃茄蓉令胃口大開👍
.
🔸風乾生果機
第一次見到風乾生果機😱
呢度自家製嘅乾果同出邊買嘅有少少唔同
出邊買嘅乾果，為咗令到食用日期延長
會將生果完全風乾
我哋食到嘅只有生果小小餘香，口感較硬😟
而呢度由於係自家製嘅乾果
自然較新鮮，所以生果唔會完全風乾
食落口感冇咁硬之餘，水果香味突出
仲有少少果汁添🥰
值得encore完又再encore🤣
.
🔸中式素食區
分為熱葷，涼拌菜同天婦羅
有花鑽綿聚，咕嚕麵筋，涼拌紅薯粉
素炸生蠔，天婦羅茄子，香煎蘿蔔糕等等
我就最鍾意食欖菜香菇炒飯💕
將欖菜，香菇，粟米粒，蛋花，紅蘿蔔絲等
一齊相伴而炒，口感豐富又香口～
再配合涼拌土豆同涼拌萵荀，好好味😋
而天婦羅茄子，切成一口Size
一粒粒容易入口，食落外脆內軟
炸衣仲好多薄添😍
.
🔸紫薯西米露
食埋飯後甜品，就更Perfect啦🙆♀️
呢碗紫薯西米露真係落足重料👍
入邊有勁多西米露
仲有一粒粒切成方塊形嘅紫薯
濃郁嘅紫薯香，入口軟腍
最重要係，甜到恰到好處😋
.
P.S 有部份店員係特殊人士
一餐CP值咁高嘅自助餐
對自身，對環境都有幫助
仲可以支持嘅弱勢社群
真係一舉多得😊
張貼
