影片
更多
2025-03-13
470 瀏覽
噚日同朋友去咗金鐘上面一間高級西餐廳，環境真係令人眼前一亮。餐廳樓底超高，配上柔和嘅燈光同型格嘅裝潢，好有情調又唔失大氣。先試咗兩款 cocktail，第一款係「Kiwi Butterfly Pea Delight」入口有奇異果同蘋果汁嘅清新甜味，羅勒葉帶點草本香，配上蝶豆花嘅淡雅，層次分明，飲落好順喉，微酸嘅檸檬汁仲帶點醒神嘅感覺。第二款「Popping White」就玩味十足，白酒底帶青蘋果泡沫，清爽中帶點酒香，最驚喜係 popping sweets 喺嘴入面爆開嘅口感，好有趣又唔會太甜。食物方面，先試咗「Hokkaido Sea Scallop Ceviche」，北海道帶子鮮甜嫩滑，配上酸酸甜甜嘅柚子醬油汁同 heirloom 車厘茄嘅鮮味，入口好 juicy。慢煮蛋黃流心感豐富咗整體口感，係一道好開胃嘅前菜。之後試咗「‘AFC’ (Ammo’s Fried Chicken)」，雞柳外脆內嫩，炸得金黃香脆，配蜜糖芥末醬，甜中帶微辣，好開胃又唔油膩，份量啱啱好。主菜之一係「Ammo’s Carabineros Red Prawn Tagliolini」，深海紅蝦真係不得了，蝦味濃郁
先試咗兩款 cocktail，第一款係「Kiwi Butterfly Pea Delight」入口有奇異果同蘋果汁嘅清新甜味，羅勒葉帶點草本香，配上蝶豆花嘅淡雅，層次分明，飲落好順喉，微酸嘅檸檬汁仲帶點醒神嘅感覺。
第二款「Popping White」就玩味十足，白酒底帶青蘋果泡沫，清爽中帶點酒香，最驚喜係 popping sweets 喺嘴入面爆開嘅口感，好有趣又唔會太甜。
食物方面，先試咗「Hokkaido Sea Scallop Ceviche」，北海道帶子鮮甜嫩滑，配上酸酸甜甜嘅柚子醬油汁同 heirloom 車厘茄嘅鮮味，入口好 juicy。慢煮蛋黃流心感豐富咗整體口感，係一道好開胃嘅前菜。
之後試咗「‘AFC’ (Ammo’s Fried Chicken)」，雞柳外脆內嫩，炸得金黃香脆，配蜜糖芥末醬，甜中帶微辣，好開胃又唔油膩，份量啱啱好。
主菜之一係「Ammo’s Carabineros Red Prawn Tagliolini」，深海紅蝦真係不得了，蝦味濃郁鮮甜，tagliolini 煮得 al dente，彈牙有嚼勁，配上自家製海鮮湯底同慢燉車厘茄，味道濃而不膩，啖啖都係滿足感。
最後壓軸係「USDA Prime Rib-Eye 10oz」，牛肉烤得外焦內嫩，肉汁鎖得好正，帶點炭香，配上焗蒜同薯仔，簡單但好食。牛肉汁（veal jus）濃郁香滑，點綴咗整碟嘅味道，食完真係好有幸福感。
張貼
