百樂小館 (已結業)

放工，我們一行八人浩浩蕩蕩去聚餐，潮州菜是不錯嘅選擇。美麗華商場有間潮州小館，尖沙咀十分方便。一入到去，非常好招呼，又茶又小食供應。個酸菜真是餐前小食之選，非常開胃。首來是百樂特色冬瓜盅，賣相不錯,侍應們很快取走分給我們。原個冬瓜燉出來口感特別細滑，有瘦肉、蝦、咸火腿、翠玉瓜等，十分大碗美味。前菜是滷水鵝肉拼盤例牌， 除了有鵝片外，有魷魚、腩肉、蛋及豆腐，鵝片一定最好食，又唔肥又唔膩，肉質一絲絲，非常正。水瓜煮魚䱪，魚䱪外貌似響鈴，但食落似花膠，吸收曬魚湯，大大啖好有口感，仲可以養顏。紅燒皇子乳鴿伴凱撒沙律，中西合璧，食完乳鴿去食沙律菜會平衡番油膩感，乳鴿非常嫩口，外脆內外汁，不用沾其他醬汁都夠味道。竹笙炆豆腐，健康之選，非常有益。芥蘭菜脯炒河，完全不會多油，河粉又不會乾，菜脯又不會大咸，食完就飽矖。脆盞菠蘿咕嚕肉，菠蘿用新鮮菠蘿，咕嚕肉非常脆，味道剛好。到我之愛甜品：清心丸綠豆爽，又不太甜，是熱食但食完好舒服，清熱解毒。最後點少得回甘嘅功夫茶。