更多
2017-08-09
1238 瀏覽
早幾年前一班人食飯，總係揀放題、任飲任食邊爐，近年食得精啲，有時寧願俾多少少錢，好過次次「吃到飽」飽到上心口。呢間酒鍋之前已經同男朋友食過，當時放左相片去社交平台，朋友見到大讚吸引，於是約我再同佢食。地點問題，我地今次食嘅係銅鑼灣店，冇左佢最喜歡嘅露台位。餐廳位於銅鑼灣 V Point，呢頭多左好多食店，除左以往座陣嘅拉麵店，仲有越南野、韓國炸雞、粵菜、日本菜等，選擇甚多，酒鍋就喺27樓，我終於知點解大家話呢間分店都幾好view~餐廳裝潢別緻，帶點中國風，近門口嘅係色彩鮮豔嘅卡位，靠近裡邊有唔少細枱，而角落位置雖然唔係房間，但感覺都自成一角。想望到維港景色，坐近窗邊，記得預約時問聲呢，因為不論平日定假日，呢度都係咁受歡迎。如果walk in，真係唔肯定有冇位。雖然我地都預約左位置，但當日較full，未能坐近窗邊，但都隱約可以望到窗外情況，由6pm入座，天仲光，食到8pm天都黑齊，夜景確實幾靚，賞心悅目。隔離枱一坐低餐牌都未揭，就開始影相呢。餐牌選擇豐富，走嘅係中上價位路線，單單係鍋底都有好多款式，我估大部分人都係俾佢地嘅多格鍋吸引而來，一個鍋試到幾款湯底，周圍幾枱都係點招牌湯底。配料選
餐廳裝潢別緻，帶點中國風，近門口嘅係色彩鮮豔嘅卡位，靠近裡邊有唔少細枱，而角落位置雖然唔係房間，但感覺都自成一角。想望到維港景色，坐近窗邊，記得預約時問聲呢，因為不論平日定假日，呢度都係咁受歡迎。如果walk in，真係唔肯定有冇位。
雖然我地都預約左位置，但當日較full，未能坐近窗邊，但都隱約可以望到窗外情況，由6pm入座，天仲光，食到8pm天都黑齊，夜景確實幾靚，賞心悅目。隔離枱一坐低餐牌都未揭，就開始影相呢。
餐牌選擇豐富，走嘅係中上價位路線，單單係鍋底都有好多款式，我估大部分人都係俾佢地嘅多格鍋吸引而來，一個鍋試到幾款湯底，周圍幾枱都係點招牌湯底。配料選擇豐富，如果人多，我地就可以試多幾款喇，有各款肉類、海鮮、刺身、小籠包、自家制餃、丸類、粉麵、蔬菜等，仲有小食同小炒，花多眼亂，適合多人聚會。
至於我地食嘅仍然係呢個《酒鍋十三道豐味，歡樂時光套餐》，人少少點套餐唔洗煩，包湯底、海鮮、牛、餃、丸、蔬菜、烏冬等，按人頭收費，每位 $328，驟眼睇會以為得好少野，兩次經驗話我知，份量足夠有餘呢唯一要挑剔就係呢個套餐唔包括飲品，一係就單點；一係就加$40任飲紅白酒、啤酒、汽水；加$60可包括清酒；或者好似我地咁飲冰水 (笑)。不過留意呢個餐係週一至週五：6pm-8:30pm前離座；或者週日至週四嘅10:30pm-1:00am供應。
小食頭盤：炸雞翼、鬼馬油炸鬼、燒豬頸肉、炸紫蘇釀墨魚，四款小食都係新鮮炸起，熱辣辣。豬頸肉嫩腍；油炸鬼炸得香脆呢，紫蘇葉釀墨魚幾特別，墨魚彈牙；炸雞翼有別於尖沙咀店，分成一半，細細隻，炸得有點過龍。整體中規中矩，只係略油。
四國豐味：湯底共有四款，分別係四川麻辣鍋、肉骨茶鍋、椰子雞鍋、青咖喱鍋，一次過試到幾款，除左椰子雞鍋外，其餘三款都係濃味之選，啱哂我同重口味嘅朋友。全部鍋底入面都有配料架，不過個人認為尖沙咀店足料啲。四川麻辣鍋中有豆卜、芽菜、豬皮，好入味！椰子雞鍋中嘅雞比較鞋口，但鍋底清清地；肉骨茶鍋冇乜味精感，朋友都幾喜歡呢陣香濃藥材味至於青咖喱就略鹹，辣度高，但裡面超足料，又有蝦、又有蜆，其實幾抵食
四國豐味
13 瀏覽
0 讚好
0 留言
四川麻辣鍋
24 瀏覽
0 讚好
0 留言
椰子雞鍋
24 瀏覽
0 讚好
0 留言
肉骨茶鍋
22 瀏覽
0 讚好
0 留言
青咖喱鍋
17 瀏覽
0 讚好
0 留言
海蝦、蕃薯蜆：好新鮮，隻蝦都俾刺穿都仲郁緊，蜆都係未死，蝦夠大隻，肉質爽口彈牙，新鮮即是新鮮蜆肉大粒冇沙，仲帶海水味
海蝦、蕃薯蜆
24 瀏覽
0 讚好
0 留言
美國安格斯牛頸脊、日本黑毛豬腩肉：套餐黎計，牛、豬嘅質素都ok啦，牛肉肥脂均勻，比較薄身，輕輕淥就食得，牛味重；豬肉則較鞋口，但食落就唔會話太肥膩。
日本黑毛豬腩肉
22 瀏覽
0 讚好
0 留言
鮮蝦水餃、菠菜皮韭菜餃、洋蔥豬肉蛋餃：店方自家製餃類，size唔會好大粒，不過個人認為一般般。洋蔥豬肉蛋餃頗特別，朋友就話幾好食。
芝士手打蝦丸、手打墨魚丸：手打丸類亦係細細粒，以芝士蝦丸比較好食，裡面嘅芝士有少少演心效果，食落彈牙。
酒鍋啤酒熊：相機食先一流，個樣係幾可愛，第一次食嘅朋友都忍唔住影番張相。但其實都係墨魚丸嘅朋友，味道一般般。
鮮蝦水餃、菠菜皮韭菜餃、洋蔥豬肉蛋餃、芝士手打蝦丸、手打墨魚丸、酒鍋啤酒熊
39 瀏覽
0 讚好
0 留言
酒鍋啤酒熊：
24 瀏覽
0 讚好
0 留言
黑椒牛筋丸、台灣香菇貢丸、脆皮芝士腸：配料正正常常。
黑椒牛筋丸、台灣香菇貢丸、脆皮芝士腸
29 瀏覽
0 讚好
0 留言
即炸手工響鈴卷：幾脆口架。
即炸手工響鈴卷
26 瀏覽
0 讚好
0 留言
稻庭烏冬、蔬菜拼盤、雜菌拼盤：烏冬成pat野咁，但其實好好食，吸收哂湯底嘅味道，而且幾煙韌。蔬菜、雜菌拼盤嘅份量都挺多！
稻庭烏冬
30 瀏覽
0 讚好
0 留言
蔬菜、雜菌拼盤
18 瀏覽
0 讚好
0 留言
呢個餐足夠兩人食有餘！餐廳環境不俗，有景觀；我地入座時間早，店員服務都十分好，仲要主動提出幫我同朋友影相，認真細心，感謝啊！
張貼
