美國餐廳 (已結業)

今晚為好朋友慶祝生日，所以嚟左哩間餐廳…之前見食評普通…但見有生蠔又唔貴所以就決定要試試！兩個人大約六佰蚊左右，環境寧靜又好舒服，總結嚟講每樣嘢食嘅水準都好好，每款菜式都好靚好吸引！雙拼蠔來自西班牙同西非，自覺西班牙的又大隻又甜，西非細隻啲同蠔味較重但有少少碎殼，有兩款餐包跟！黑色嘅好似蒜蓉包咁嘅口感，另一款包用香草整的！味道都幾特別！個肉眼扒都唔錯，燒得好靚！跟扒嘅薯格唔油膩仲好脆好好味添！個紅米飯配燒嘅帶子串燒，個帶子好大粒，個焗田螺都好好食，最後嘅甜品奶凍都好好味…服務亦中上！下次一定會再試其他菜式。