影片
更多
2021-01-23
670 瀏覽
今日去深水埗玩具街諗住買啲嘢，途中經過呢間古早味蛋糕，見到店員好熱心咁樣為客人介紹每款唔同口味嘅蛋糕，我聽聽下都有啲心郁郁想試，於是都買咗兩款啦。店員話呢間古早味蛋糕係全香港唯一一間用最正宗做法，係用低溫慢焗，唔似得平時其他地方買嗰啲係高溫快焗。所以呢度嘅蛋糕有黃金邊、黃金底，唔會燶邊或者燶底嘅。更重要嘅係，佢低糖少油，唔用牛油，用植物油，健康好多。見到佢Menu有成50幾款以上嘅口味，不過唔係每日有齊晒50幾款口味，每日有大約10幾款唔同口味。今日我買嗰兩款係咖啡合桃同埋芋泥味。咖啡合桃 $70呢個咖啡味好濃，同埋唔止表面有兩大粒合桃，每啖蛋糕入面都有好多合桃碎粒，啱晒鍾意食果仁又鍾意飲咖啡嘅我。好彩買咗呢隻味姐。芋泥 $60芋泥做古早味蛋糕嘅夾心都真係第一次見。我就好鍾意食芋泥嘅，所以第一時間就揀咗呢隻味啦。店員話因為舖頭幾近街市，所以真係每日見到街市有咩材料靚，就會買黎整蛋糕。今日有芋泥味，應該係今次啲芋頭真係好靚。蛋糕係原味嘅，蛋味好重，食落亦都超濕潤，鬆軟到差啲拎唔起，真係台灣嘅感覺。中間嘅夾心係芋泥，超流心，芋頭味好濃，呢個正！店員話蛋糕放兩日後食都會一樣咁綿密濕潤，有個好
店員話呢間古早味蛋糕係全香港唯一一間用最正宗做法，係用低溫慢焗，唔似得平時其他地方買嗰啲係高溫快焗。所以呢度嘅蛋糕有黃金邊、黃金底，唔會燶邊或者燶底嘅。更重要嘅係，佢低糖少油，唔用牛油，用植物油，健康好多。
見到佢Menu有成50幾款以上嘅口味，不過唔係每日有齊晒50幾款口味，每日有大約10幾款唔同口味。
今日我買嗰兩款係咖啡合桃同埋芋泥味。
咖啡合桃 $70
呢個咖啡味好濃，同埋唔止表面有兩大粒合桃，每啖蛋糕入面都有好多合桃碎粒，啱晒鍾意食果仁又鍾意飲咖啡嘅我。好彩買咗呢隻味姐。
芋泥 $60
芋泥做古早味蛋糕嘅夾心都真係第一次見。我就好鍾意食芋泥嘅，所以第一時間就揀咗呢隻味啦。店員話因為舖頭幾近街市，所以真係每日見到街市有咩材料靚，就會買黎整蛋糕。今日有芋泥味，應該係今次啲芋頭真係好靚。
蛋糕係原味嘅，蛋味好重，食落亦都超濕潤，鬆軟到差啲拎唔起，真係台灣嘅感覺。中間嘅夾心係芋泥，超流心，芋頭味好濃，呢個正！
店員話蛋糕放兩日後食都會一樣咁綿密濕潤，有個好正嘅翻熱方法係用電飯煲嘅保溫功能，冚蓋焗3-4分鐘之後拎出黎食就得啦。
食完呢間之後先知道，原來香港都可以食到真正古早蛋糕嘅口味，交通又咁方便，一出地鐵站A2出口行多幾步就到，我一定會再去多幾次幫襯。下次買埋比朋友一齊食。
另外店員都俾咗一張印花卡我，半年內集齊12個印花，可以免費送原味一件。既然我都諗住多啲嚟買，我諗半年內集齊12個印花無難度！
張貼
