麵鮮醬油房周月 (歌賦街)

營業中

休息中

食評係第一篇，但光顧就唔止一兩次，對我黎講周月嘅沾麵真係有返咁上下。第一次食係驚喜，之後每次都維持到水準。店面地方較細，有四分三嘅位都係吧枱，所以枱上自助麥茶同餐具除左省卻左侍應工作，亦可以避免人客出入同時侍應又要上茶又要落餐具，方便得體。唯一注意下係面向嘅牆同黑板底好多塵周月沾麵($89)、濃湯、並盛300g係我例行公事。冷麵會比較彈牙，但今日有點涼意我都係揀左熱麵溏心蛋蛋黃入口即化，但外層蛋白真係煮耐左好多，仲咸過我淨飲沾麵個湯沾麵湯底仍然咁吸引，陣醬油香輕同濃郁嘅湯底輕易掛喺自家製麵條上邊，入口每一啖都沾滿左油香、咸香同埋鮮味。食完請侍應加煲左6個鐘嘅木魚水，香濃麵汁加上清爽嘅木魚水，飲完真係好滿足。