影片
更多
2017-05-14
502 瀏覽
每年會見兩次我呢位閨蜜，次次都傾計傾到聲沙，所以一定要搵個舒服，岩傾計既地方相聚。今次揀左佐敦呢間醉胡爐，以為係小店，點知去到門口時比佢高高既樓底嚇親，座位闊落，而且每張枱中間都有屏風間隔，私密度夠高，可以好好傾計。Macs Draft Beer好淡味既啤酒，容易入口，推介比想飲酒既女孩子們。熊本A5和牛沙律 (半份） $88叫左半份沙律，估唔到賣相係一卷卷。A5和牛好軟滑，生熟度剛好，牛味濃厚，入面包住既菜葉亦都好幼嫩，配上少少陳醋，係一個好好既starter。板燒北海道珍寶帶子配3.6薯蓉 $88擺盤好有美感既小食。北海道帶子十分肥厚，內裡肉質滑得黎有彈性。薯蓉幼滑，帶有松露香味，唔知係咪因為有3.6牛乳既關係，所以口感特別黏稠。帶子調味有點咸，如果可以更原汁原味，食到帶子自身鮮味更好。煙肉廣島蠔卷（上）燒蠔比較難處理，但呢到都燒得剛剛好。日本車厘茄豚肉卷（中）串燒入面我既最愛，每次都會點。 最鐘意酸酸甜甜既車厘茄燒過後特別多汁既口感。燒鵪鶉蛋（下）朋友點既，第一次試燒鵪鶉蛋，好香口。原板海膽燴意大利飯 $168特別期待既原板海膽飯， 黎到時自己動動手將海膽放上，金黃一片好吸引。海
今次揀左佐敦呢間醉胡爐，以為係小店，點知去到門口時比佢高高既樓底嚇親，座位闊落，而且每張枱中間都有屏風間隔，私密度夠高，可以好好傾計。
Macs Draft Beer
好淡味既啤酒，容易入口，推介比想飲酒既女孩子們。
熊本A5和牛沙律 (半份） $88
叫左半份沙律，估唔到賣相係一卷卷。
A5和牛好軟滑，生熟度剛好，牛味濃厚，入面包住既菜葉亦都好幼嫩，配上少少陳醋，係一個好好既starter。
板燒北海道珍寶帶子配3.6薯蓉 $88
擺盤好有美感既小食。
北海道帶子十分肥厚，內裡肉質滑得黎有彈性。
薯蓉幼滑，帶有松露香味，唔知係咪因為有3.6牛乳既關係，所以口感特別黏稠。
帶子調味有點咸，如果可以更原汁原味，食到帶子自身鮮味更好。
煙肉廣島蠔卷（上）
燒蠔比較難處理，但呢到都燒得剛剛好。
日本車厘茄豚肉卷（中）
串燒入面我既最愛，每次都會點。 最鐘意酸酸甜甜既車厘茄燒過後特別多汁既口感。
燒鵪鶉蛋（下）
朋友點既，第一次試燒鵪鶉蛋，好香口。
原板海膽燴意大利飯 $168
特別期待既原板海膽飯， 黎到時自己動動手將海膽放上，金黃一片好吸引。
海膽味道鮮甜， 同個意大利飯超夾。
忌廉汁煮既意大利飯，有咬口得黎唔會過硬，粒粒飽滿。忌廉汁十分濃稠，好喜歡。
青檸雪芭
最後以一個青檸雪芭作為呢餐既完美結束。
心裡面覺得好滿足。
張貼
