影片
更多
2009-12-09
我去過這間店兩次，第一次OK架，第二次人多D就出事啦我一向好中意食鳳爪排骨飯和飲茶，發現呢間店的時侯好開心，但而家覺得呢間野食物OK但不標青，服務九流。不知所謂的疑似老板娘，可能佢見我得一個人又人多啦，入到去好耐都冇人理我，仲有幾個男店員都係，其他客佢地就見到！我坐門口，但就算暗都冇可能睇唔到，點學人做生意，幾個店員都是低下頭的，分分鐘我食完走佬都冇人知！而且我要強調，我是有舉高手叫人的，舉到我手軟，我打俾男友話佢知我好慶想走人TIM，結果我舉左十幾次手後有人見到我啦，我話俾個老板娘聽我舉左手好耐，此時佢先開位俾我，斟茶我又要等，話左要咩茶，個個走左去，冇人俾茶我，已經成四個店員一間細鋪想點？結果好笑啦，D點心到佢地先見我冇茶咋，我又重覆話佢地知我等左好耐，老板娘表情話我知佢冇歉意，口裏的不好意思好冇誠意，好似想講你中意咪唔好再來LAW，你得一位我唔想做你生意啦。其實我每次都叫4個點心，都$6X至$8X，唔係多錢但我都是客來的。講番D點心啦，一般的水準（飯、燒賣）個山竹牛肉就幾好食，雞扎唔好食，茶好粗是下價貨。點解我可以肯定佢地睇唔起一人客？因為之後有個阿婆單獨入來，搭我桌，同我同一下
我去過這間店兩次，
第一次OK架，第二次人多D就出事啦
我一向好中意食鳳爪排骨飯和飲茶，
發現呢間店的時侯好開心，但而家覺得呢間野食物OK但不標青，服務九流。
不知所謂的疑似老板娘，可能佢見我得一個人又人多啦，入到去好耐都冇人理我，
仲有幾個男店員都係，其他客佢地就見到！我坐門口，但就算暗都冇可能睇唔到，
點學人做生意，幾個店員都是低下頭的，分分鐘我食完走佬都冇人知！
而且我要強調，我是有舉高手叫人的，舉到我手軟，我打俾男友話佢知我好慶想走人TIM，
結果我舉左十幾次手後有人見到我啦，我話俾個老板娘聽我舉左手好耐，此時佢先開位俾我，斟茶我又要等，話左要咩茶，個個走左去，冇人俾茶我，已經成四個店員一間細鋪想點？結果好笑啦，D點心到佢地先見我冇茶咋，我又重覆話佢地知我等左好耐，老板娘表情話我知佢冇歉意，口裏的不好意思好冇誠意，好似想講你中意咪唔好再來LAW，你得一位我唔想做你生意啦。其實我每次都叫4個點心，都$6X至$8X，唔係多錢但我都是客來的。
講番D點心啦，一般的水準（飯、燒賣）
個山竹牛肉就幾好食，雞扎唔好食，茶好粗是下價貨。
點解我可以肯定佢地睇唔起一人客？
因為之後有個阿婆單獨入來，搭我桌，同我同一下場呀，
佢都係坐左好耐，D人無視佢，可能見人阿婆，食得仲少想人地自己走人啦，
結果我睇唔過眼幫阿婆舉手叫佢地，又係要好耐，我好邶咁話佢地聽阿婆叫佢地，佢地個樣都冇悔意架。結果阿婆想問多句有咩點心佢地又唔理佢，阿婆叫完飯想再叫D野佢地滾水碌腳走左，見其他桌多客先至去服務，唉....
真失敗的一間小店，呢排係多左人又點？管理不善，幾個店員時常在鋪深處低下頭唔知搞咩，多人都好快死路一條。
奉勸大家去其他地方好過啦，特別係D一人客，去到人地只會無視於你，其他人都是三思好，呢間野都只是扮有HEART而已。
張貼