船渦

營業中

休息中

見咁多好評又去試吓，環境偏昏暗，雙人位唔係面對面而係拍住坐嘅。用QR code 落咗個「八府巡按」套餐，都幾多嘢食。飲品要另叫，偏貴。頭盤有甜蝦，帶子，北寄貝 sashimi, 再嚟炸雞翼同炸餃。sashimi 都算新鮮，炸物就無乜味。之後上海鮮船，有龍蝦，鮑魚，聖子，扇貝，蚌，幾隻蝦同蜆。仲有肥牛，幾粒丸(牛/墨魚/薑汁肉丸)同一小籃蔬菜。全部食物蒸嘅時間已印咗喺枱上，跟返時間煮就ok。龍蝦，聖子，同埋蜆都算新鮮，蜆都幾肥。蒸肥牛都幾好食，牛丸同墨魚丸好好食。本來都好滿意呢一餐，點知枱面突然走隻小強出嚟，真係大打折扣!!! 叫咗店員處理隻小強，淨返蔬菜同粥底都唔敢再食，其實蒸完咁多海鮮都好期待個粥! 希望餐廳做好D衛生，食材係新鮮嘅。最後食埋個雪米糍就快快埋單走人。