影片
更多
2017-08-15
71 瀏覽
係大埔做完野，夜晚就一個人去揾食，見呢間餐廳好似幾多好評就黎試下啦~門面充滿住日式既感覺，令我諗起之前去日本d拉麵店既門面就係呢d風格，門口仲放置左d櫈，俾客人係出面等位既時候可以坐下，都幾細心。由於店鋪唔大，繁忙時段要搭枱，所以一個人黎都幾易揾到位~一入到餐廳已經見到好多人食緊，都差唔多坐滿成間鋪頭，同一般日式拉麵店一樣，廚房係開放式，可以睇到師傅係裡面煮拉麵，呢度連星期一既氣氛都十分熱鬧，睇黎呢間拉麵店係大埔係幾受歡迎。餐牌係點餐紙黎既，只要係食物名稱格黎個方格寫上數字就ok啦，食物款式都幾多，而且拉麵店黎講，價錢算係幾抵食我就叫左個翠鳴豬軟骨拉麵，係菠菜加左入去豬骨湯底裏面，真係食到少少菠菜味，豬骨湯底都幾濃郁，拉麵既質地都幾彈牙。豬軟骨肉質好林，而且軟骨好容易咬開。隻蛋就煮得啱啱好啦，個蛋黃有少少流心，連埋個湯一齊食，好味。另外再叫左啲小食，一鳴創作醬伴炸香雞，雞炸得幾香脆，肉質嫩滑，點埋個醬，酸酸甜甜幾好食黑松露醬牛油煮帶子，帶子好口片，食落爽口彈牙，咬落去成個口都係充滿着黑松露味整體黎講，食物質素唔錯，而且價錢抵食，唔錯
門面充滿住日式既感覺，令我諗起之前去日本d拉麵店既門面就係呢d風格，門口仲放置左d櫈，俾客人係出面等位既時候可以坐下，都幾細心。由於店鋪唔大，繁忙時段要搭枱，所以一個人黎都幾易揾到位~
一入到餐廳已經見到好多人食緊，都差唔多坐滿成間鋪頭，同一般日式拉麵店一樣，廚房係開放式，可以睇到師傅係裡面煮拉麵，呢度連星期一既氣氛都十分熱鬧，睇黎呢間拉麵店係大埔係幾受歡迎。
餐牌係點餐紙黎既，只要係食物名稱格黎個方格寫上數字就ok啦，食物款式都幾多，而且拉麵店黎講，價錢算係幾抵食
我就叫左個翠鳴豬軟骨拉麵，係菠菜加左入去豬骨湯底裏面，真係食到少少菠菜味，豬骨湯底都幾濃郁，拉麵既質地都幾彈牙。豬軟骨肉質好林，而且軟骨好容易咬開。隻蛋就煮得啱啱好啦，個蛋黃有少少流心，連埋個湯一齊食，好味。
另外再叫左啲小食，一鳴創作醬伴炸香雞，雞炸得幾香脆，肉質嫩滑，點埋個醬，酸酸甜甜幾好食
黑松露醬牛油煮帶子，帶子好口片，食落爽口彈牙，咬落去成個口都係充滿着黑松露味
整體黎講，食物質素唔錯，而且價錢抵食，唔錯
張貼
