BKK

呢間泰國菜似乎係近期先開，作為上環嘅打工仔平時都鍾意係附近覓食，今次約咗朋友仔一收工就一齊上去試呢間處於文青地帶嘅泰國菜。———————————————🌟炭燒和牛串配東北酸辣汁 和牛串燒燒得好好，將肉汁鎖死完全唔會覺得好乾，牛肉都高質夠重味，另外個特色東北酸辣汁都係精髓，係以魚露為主調再加入其他配料，咸酸辣集於一身同時做到提鮮效果。🌟斑蘭葉香茅蒸原條紅鯛魚平時食泰國菜都鍾意叫魚，因為泰國總係用好多香料去烹飪，令條魚充滿香味同時又保留佢嘅原汁原味。今次呢條紅鯛魚都幾大條，肉質都鮮嫩並冇唔熟或者過熟嘅情況。不過平時魚會配有一碟仔酸辣汁，今次呢度就冇我就用上面個東北酸辣汁配搭，點汁就重口味啲，唔點都一樣品嘗到鮮味。🌟蟹肉炒飯泰國蟹肉炒飯總係味道比外表更好食，睇外表可能覺得唔味道可能好淡，但食落味道總係非常有驚喜，呢度嘅蟹肉炒飯飯粒乾身，而且味道夠曬味，旁邊都有配料，個人認為可加可唔加，我兩種都有食。炒飯入面仲有唔少蟹肉，全部都已經拆好曬超正！🌟芒果椰汁糯米飯呢度嘅糯米飯係熱辣辣咁上，芒果好大粒但味道未夠甜，不過椰汁糯米飯就比較高質，上面仲有少少脆脆，椰汁食落又香，糯米口感都好好。🌟Siam