Give Me 5 (已結業)

位處觀塘工業區，地理上輸蝕但餐廳環境攞曬分！面積好大，環境寬敞舒適～仲有得免費打枱波同掟標！食完飯可以即刻走去玩，啱曬大細路，真正有得食又有得玩！入到黎首先你要問吓自己肚唔肚餓，想唔想食任食海鮮，仲有想唔想掟標打枱波～～～晚餐選項只有兩種：1️⃣二人餐；2️⃣自選一道歐陸式主菜，另外任食海鮮、串燒、甜品等兩小時。眼見海鮮種類都幾多，有蠔、鮑魚、蝦、蟹等，隔離枱每人大概都食左五六轉海鮮，相信質素應該靠得住，何惜近期食得太多海鮮，所以我最後都揀左二人餐。二人餐有餐湯、沙律🥗、主菜、飯或意粉、甜品、餐飲（詳情睇menu)。份量正常，足夠二人食用，不過我好好奇，如果唔夠飽或者三個人黎到可以食d 乜🤔🤔。「玩」先係主菜就唔洗諗，食完個二人餐就出去玩！呢度出餐好快，一次過食完曬先出去慢慢玩啦，唔洗走來走去嘛～🌗煙三文魚沙律及餐湯份量超大，多款生菜、車厘茄、青瓜澆上千島醬，仲有兩大片煙三文魚，如配上焗麵包粒會更好。餐湯附上厚多士半片，單獨食確實太硬，不過沾上餐湯就好好味唔會淋pat pat。🌗澳洲肉眼扒（8安士）配野菌汁 牛扒偏薄，好彩我叫左五成熟，加埋廚師技術搭救，件牛扒中間仲keep 到粉嫩粉嫩唔會好韌