影片
更多
2023-05-22
54 瀏覽
餐廳位於佐敦同何文田交界，旺中帶靜，裝潢行日式洋食路線，木系質感同空間感，坐落都係相當舒服。當晚點咗兩個dinner set，唔只有餐湯，仲有甜品作結，感覺都幾圓滿。💡芝士菠菜龍蝦蟹肉意粉卷套餐 $298💡炭燒美國安格斯肉眼套餐 $358💡隨餐附送餐湯、飲品(兩杯凍檸茶)及甜品💡西蘭花忌廉濃湯配蒜蓉包是日餐湯剛好係西蘭花湯，本身對西蘭花冇咩特別喜愛，打成蓉就有啲古怪，忌廉味都唔算幫到多少。雖然知道西蘭花好健康，但唔算太啱自己口味😣(好似偏食嘅小朋友哈哈)💡芝士菠菜龍蝦蟹肉意粉卷呢款係餐廳招牌菜，賣相精緻又吸引。上面係炸龍蝦，開頭都有諗會唔會太浪費，竟然用嚟炸！？但用天婦羅方式處理，外脆內軟，keep住有肉汁仲好彈牙。意粉卷包住蟹肉同龍蝦肉，切開其實都幾狼狽，因為冇嘢黏實，所以啲肉就四散，都幾難一口好完整咁食。味道上係唔錯，蟹肉同龍蝦肉各有鮮味，直接夾埋感覺有啲可惜，好似將兩個主角夾埋一齊咁，而且意粉皮同肉個質感其實幾分離。味道上係唔錯，不過成個菜式融唔融合就有少少保留。💡炭燒美國安格斯肉眼一望炭燒網紋就知燒得幾靚，肉眼好大塊，好腍唔騷，偶爾有少少筋位係難咬。配菜蔬菜都平衡下。小朋友口味
💡芝士菠菜龍蝦蟹肉意粉卷套餐 $298
💡炭燒美國安格斯肉眼套餐 $358
💡隨餐附送餐湯、飲品(兩杯凍檸茶)及甜品
💡西蘭花忌廉濃湯配蒜蓉包
是日餐湯剛好係西蘭花湯，本身對西蘭花冇咩特別喜愛，打成蓉就有啲古怪，忌廉味都唔算幫到多少。雖然知道西蘭花好健康，但唔算太啱自己口味😣(好似偏食嘅小朋友哈哈)
💡芝士菠菜龍蝦蟹肉意粉卷
呢款係餐廳招牌菜，賣相精緻又吸引。上面係炸龍蝦，開頭都有諗會唔會太浪費，竟然用嚟炸！？但用天婦羅方式處理，外脆內軟，keep住有肉汁仲好彈牙。意粉卷包住蟹肉同龍蝦肉，切開其實都幾狼狽，因為冇嘢黏實，所以啲肉就四散，都幾難一口好完整咁食。味道上係唔錯，蟹肉同龍蝦肉各有鮮味，直接夾埋感覺有啲可惜，好似將兩個主角夾埋一齊咁，而且意粉皮同肉個質感其實幾分離。味道上係唔錯，不過成個菜式融唔融合就有少少保留。
💡炭燒美國安格斯肉眼
一望炭燒網紋就知燒得幾靚，肉眼好大塊，好腍唔騷，偶爾有少少筋位係難咬。配菜蔬菜都平衡下。小朋友口味嘅以為會有薯條🥹
🍰藍莓芝士蛋糕
呢個份量真係剛剛好，再大份啲可能會食唔晒，可見主菜份量係好合理。芝士唔會太膩，但又好香，藍莓酸甜味中和返，簡單作為飯後甜品都幾開心。
張貼
