影片
更多
2022-10-06
147 瀏覽
今次同朋友去咗位於尖沙咀新商廈H Zentre三郎燒肉，方便就腳，地方夠大，燈光昏暗有情調，座位寬躺舒適。呢度嘅和牛相當高質，餐廳有燒肉omakase提供，仲設有吧枱專人燒肉服務，俾食客有尊貴嘅體驗，更可以品嚐多款日本和牛稀有部位，當中包括夏多布里昂等特選部位，肉質鮮嫩、牛味香濃！相約三五知己朋友嚟飲吓清酒食下燒肉係唔錯嘅選擇，入座後店員主動殷勤介紹各款和牛。前菜-甘酢溫室番茄溫室番茄預先脫咗外皮，表面放咗金箔盡顯矜貴，再配上日本梅子啫喱上面，味道酸酸甜甜，作為前菜真係十分開胃！牛-燒肉（3點）上菜時擺盤好精緻，和牛3點包括和牛肉眼、和牛橫膈膜、和牛牛肋條。和牛肉眼肉味濃郁，脂肪紋分佈均勻，燒完後點啲日本岩鹽就已經好香。和牛橫膈膜牛味濃郁，入口即溶，有好濃郁的肉汁。和牛牛肋條口感韌度高，和牛豐富嘅油脂香配上嚼勁十足嘅口感，好爽。鑽石切法厚切和牛一打開寶箱仙氣滿滿咁包住塊和牛西冷，用嚟打卡一流。店員會好細心咁幫我哋落埋油，幫忙燒埋呢塊西冷，再幫我哋剪開塊扒可以分享，服務好好。西冷油花均勻，咀嚼個陣有入口即溶嘅感覺。海鮮-2點今次嘅海鮮提供咗帆立貝 、白鱔。帆立貝每隻都好幾新鮮大隻，店家已
今次同朋友去咗位於尖沙咀新商廈H Zentre三郎燒肉，方便就腳，地方夠大，燈光昏暗有情調，座位寬躺舒適。呢度嘅和牛相當高質，餐廳有燒肉omakase提供，仲設有吧枱專人燒肉服務，俾食客有尊貴嘅體驗，更可以品嚐多款日本和牛稀有部位，當中包括夏多布里昂等特選部位，肉質鮮嫩、牛味香濃！相約三五知己朋友嚟飲吓清酒食下燒肉係唔錯嘅選擇，入座後店員主動殷勤介紹各款和牛。
前菜-甘酢溫室番茄
溫室番茄預先脫咗外皮，表面放咗金箔盡顯矜貴，再配上日本梅子啫喱上面，味道酸酸甜甜，作為前菜真係十分開胃！
牛-燒肉（3點）
上菜時擺盤好精緻，和牛3點包括和牛肉眼、和牛橫膈膜、和牛牛肋條。
和牛肉眼肉味濃郁，脂肪紋分佈均勻，燒完後點啲日本岩鹽就已經好香。
和牛橫膈膜牛味濃郁，入口即溶，有好濃郁的肉汁。
和牛牛肋條口感韌度高，和牛豐富嘅油脂香配上嚼勁十足嘅口感，好爽。
鑽石切法厚切和牛
一打開寶箱仙氣滿滿咁包住塊和牛西冷，用嚟打卡一流。店員會好細心咁幫我哋落埋油，幫忙燒埋呢塊西冷，再幫我哋剪開塊扒可以分享，服務好好。西冷油花均勻，咀嚼個陣有入口即溶嘅感覺。
海鮮-2點
今次嘅海鮮提供咗帆立貝 、白鱔。帆立貝每隻都好幾新鮮大隻，店家已經落左牛油，燒好左之後，咬落淡淡肉；白鱔每件都好大件，將魚皮魚肉燒至香口脆皮，魚肉肉質彈牙，最後點啲燒汁就成為美味嘅燒白鱔。
燒野菜-2點
食咗咁多牛肉要食蔬菜一解牛肉嘅油膩，呢度嘅野菜用上日本新鮮蔬菜，日本南瓜夠爽脆，冬菇好重菇味而且燒出嚟好香。
食事-和牛冷素麵
免治和牛加上蔥花用嚟拌冷素麵好入味，調味做得唔錯，味道唔會好鹹，口味清新，冷素麵條嘅口感亦好彈牙。
甜品-芝麻雪糕
食完一輪豐富嘅和牛燒肉之後，食返個芝麻雪糕作為結尾，芝麻味好香濃，為今次晚餐畫上完美句號。
張貼
