嵐橋丼飯專門店 (已結業)

尖沙咀高質日本丼飯店, 食材豐富又新鮮！無論係刺身嘅新鮮度以及整體嘅質素都相當高👍🏻！環境佈置充滿東瀛風情, 一入門口就見到有個壽司吧檯, 開放式廚房, 裝潢有地道日本居酒屋嘅感覺🏮 主打高質日本魚生丼飯, 部份食材每日新鮮空運到港✈️, 除咗提供丼飯, 仲有各款壽司、刺身、串燒等等。𓌈˒˒ 極上藍鰭吞拿魚丼有大拖羅2件、中拖羅2件、赤身2件、蔥花拖羅魚蓉、鵪鶉蛋。拖羅富油脂, 有入口即溶嘅口感, 魚油味濃, 入口無筋。飯底用上赤醋飯, 米飯濕潤, 粒粒分明, 軟硬適中, 調味剛好。刺身夠哂新鮮, 賣相吸引又好食😋！𓌈˒˒ 壽司盛八點款款刺身都好新鮮🍣！三文魚肉質柔軟綿密, 魚味濃郁; 帆立貝鮮甜厚肉; 中間嗰款係海膽、吞拿魚茸、三文魚籽, 可以用紫菜包住嚟食, 一啖放入口, 好滋味😋！𓌈˒˒ 安格斯牛肉眼壽喜燒 安格斯牛肉油脂分佈均勻, 肉質鮮嫩, 每啖充滿肉汁, 牛味十足！壽喜燒醬汁味道香濃, 除咗牛肉外, 仲有豆腐、蔬菜、金菇、冬菇、洋蔥、粉絲等等, 食材吸收晒醬汁嘅味道！