影片
更多
2023-02-22
97 瀏覽
一入到店舖，客人瞬間時光倒流，仿佛置身於香港嘅70-80年代時期。龍鳳大禮堂、霓虹燈飾、乒乓球枱、舊式電話擺設、搪瓷杯等，由表面裝潢去到細節位，每個地方都充滿着心思。聽住懷舊經典香港金曲，食住雞煲、打住邊爐，令人切身體會到時代感嘅氣氛。呢到你會搵到佢地同普通雞煲店嘅分別。不一樣嘅新穎想法、創新口味，例如秘製榴槤雞煲、鹹蛋黃醬雞煲。無論係環境定係食物質素，都別具特色，令人相當讚嘆。⭐️招牌無骨鳳翼釀雞煲 $278平時食雞煲要吐骨好麻煩，但呢款雞煲能夠滿足你啖啖肉既口感滋味。主要雞翼全部去骨，然後釀入墨魚滑，亦加咗紅蘿蔔蔬菜粒。一打開煲蓋香飄四溢，食落雞肉肉質鮮嫩，亦有墨魚滑增添咗彈牙口感。而且雞煲配菜除咗基本既蔥蒜薑芫荽等之外，仲加入咗雞髀菇，所有食材都吸收哂雞煲精華，濃郁惹味。食完雞煲，你亦可以選擇雞湯或者豬骨湯作為湯底打邊爐。⭐️牛肉拼盤（細）$338細拼盤共有6款肉類。牛舌片質嫩爽口、牛頸脊有咬口而肉味香濃、牛胸油主要係脂肪，油香相當重，並且肥而不腻。此外，牛柏葉爽脆可口、牛肉粒肉質鬆軟、雪花肥牛則油花分佈平均。⭐️即製經典沙嗲牛肉餃(6粒) $78將具有香港特色嘅沙嗲牛肉放入餃子中，咬
聽住懷舊經典香港金曲，食住雞煲、打住邊爐，令人切身體會到時代感嘅氣氛。
呢到你會搵到佢地同普通雞煲店嘅分別。不一樣嘅新穎想法、創新口味，例如秘製榴槤雞煲、鹹蛋黃醬雞煲。無論係環境定係食物質素，都別具特色，令人相當讚嘆。
⭐️招牌無骨鳳翼釀雞煲 $278
平時食雞煲要吐骨好麻煩，但呢款雞煲能夠滿足你啖啖肉既口感滋味。主要雞翼全部去骨，然後釀入墨魚滑，亦加咗紅蘿蔔蔬菜粒。一打開煲蓋香飄四溢，食落雞肉肉質鮮嫩，亦有墨魚滑增添咗彈牙口感。而且雞煲配菜除咗基本既蔥蒜薑芫荽等之外，仲加入咗雞髀菇，所有食材都吸收哂雞煲精華，濃郁惹味。食完雞煲，你亦可以選擇雞湯或者豬骨湯作為湯底打邊爐。
⭐️牛肉拼盤（細）$338
細拼盤共有6款肉類。牛舌片質嫩爽口、牛頸脊有咬口而肉味香濃、牛胸油主要係脂肪，油香相當重，並且肥而不腻。此外，牛柏葉爽脆可口、牛肉粒肉質鬆軟、雪花肥牛則油花分佈平均。
⭐️即製經典沙嗲牛肉餃(6粒) $78
將具有香港特色嘅沙嗲牛肉放入餃子中，咬落餃皮Q彈煙靭，咬開爆餡多汁。沙嗲味道香濃，油香豐富，肉餡相對比較實身。
⭐️廣島蠔（4隻）$98
蠔身肉厚，肥美飽滿，鮮甜而嫩口。食落口感柔滑，啖啖甘甜，微微海水味並不腥。煮熟後亦唔會出現嚴重縮水嘅情況，絕對要讚譽店舖選蠔嘅品質。鍾意食蠔嘅朋友仔，亦推薦考慮選擇食佢嘅廣島蠔雞煲，相信會有驚喜。
⭐️豐盛雜菜拼盤 $128
中意食菜既朋友就唔好放過呢個雜菜拼盤，因為佢既蔬菜種類同份量真係包羅萬象，應有盡有。有粟米🌽、金菇、木耳、蓮藕、淮山、娃娃菜、油麥菜等等。擺設別具心思，用上竹籤穿上心形嘅蘿白同蕃茄，我當自己收到一紮”花”㗎啦💐😆。
⭐️鹹檸七 $38@1
平時岀面比既鹹檸都係得半粒，而呢到就成粒比你仼你篤。用上搪瓷杯增添舊情懷氣氛，配上七喜or可樂，一啖飲落去，爽啊！
張貼
