367
7
4
| 餐廳: | 龍鳳呈祥火鍋雞煲 |
|---|---|
| 優惠: |
於此國泰夥伴餐廳用餐賺里 ! 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
影片
港鐵尖沙咀/尖東站 B2 出口, 步行約2分鐘 (大廈入口於金馬倫道)
繼續閱讀
電話號碼
28198881
開飯介紹
打卡港式雞煲店，以香港70至80年代為設計主題，帶來濃厚的復刻感覺。雞煲有多款特色口味，如秘製鹹蛋黃醬雞煲，非常惹味。
繼續閱讀
營業時間
今日營業
12:00 - 01:00
星期一至日
12:00 - 01:00
以上資料只供參考, 請與餐廳確認詳情
有關餐廳
有關獎賞計劃
優惠
| 餐廳: | 龍鳳呈祥火鍋雞煲 |
|---|---|
| 優惠: | 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
相關文章
一打開門好似時空穿梭咁，成個環境擺設都係舊香港，仲一路播住70-80年代嘅歌。主打特色雞煲，有鳳梨雞煲，榴連雞煲等。醬料架都好有特色。秘制黃蜆惹味辣雞煲 （半隻雞）用瓦煲打邊爐真係第一次，店員會幫手炒一陣然後蓋1分鐘就食得啦！小辣都已經好惹味好夠辣👍🏻雞煲醬汁好上癮，雞好新鮮，肉質嫩滑，平時唔太鐘意食雞嘅我都好捧場🤤🤤🤤蜆都好新鮮入味，估唔到海鮮配雞煲都好夾。記住食埋啲腐竹同菇，非常入味。食完雞煲可以揀加雞湯/豬骨湯，我地揀左雞湯！龍鳳呈祥牛肉拼盤（細）牛舌 手切牛肉 牛胸尖 和牛金錢展 牛肉粒 雪花肥牛特別推薦牛舌，非常爽口，冇腥味。即制回味五香肉丁餃（6粒）咬開係有五香肉丁個陣油香架！食落夠香好特別。芝心蛋蛋燒賣（6粒）造型好可愛，咬開有溶溶地嘅芝士，蛋黃又香又綿滑。龍鳳呈祥［豐盛］雜菜拼盤個兜勁靚，入面啲菜係塞到滿晒，真係勁［豐盛］！娃娃菜、油麥菜、蓮藕、金菇、蕃茄、粟米，蘿蔔仲切成心型。自家製陳年鹹檸大大隻紅膠杯裝住鹹檸加冰底，非常打卡able，打邊爐飲哩個爽呀。
繼續閱讀
老公一向好鍾意食雞煲，今次搵嚟一間懷舊主題餐廳試下先。 餐廳以七、八十年代舊香港為主題，場內有唔少打卡位置。首先係霓虹燈、門口位置嘅龍鳳聯婚🐉，客人仲可以揀番自己嘅姓氏，喺前面打個卡。 店舖內仲不斷播放七、八年代嘅歌曲🎵，更加有feel。 餐廳主打雞煲火鍋及多款特色口味雞煲🐔，如榴槤雞煲及鹹蛋黃醬雞煲，今次我哋揀咗個秘制黃蜆惹味辣雞煲，辣度方面可以自由選擇，我哋揀咗個BB辣🌶。呢度嘅雞煲都用上新鮮雞，雞肉嫩滑，加上肥美嘅黃蜆，配合埋各種配料，整個雞煲鮮甜惹味。 食完雞煲之後可以揀雞湯或者豬骨湯底開始火鍋。 牛肉拼盤(細)：牛舌片、手切牛肉、牛胸尖、和牛金錢展、牛肉粒、雪花肥牛。牛肉都好嫩滑，牛味濃郁。另外第一次試牛胸尖，望落好似好油膩，但食落出奇地爽口。 回味五香肉丁餃：五香肉丁餃真係第一次食，餡料好特別，味道香濃。 豐盛雜菜拼盤：呢個豐盛雜菜拼盤認真夠晒豐盛，份量非常多，有唐生菜🥬、娃娃菜、蕃茄🍅、粟米🌽、金菇、蓮藕、木耳、而且仲有切成心形嘅蘿蔔🤍。 荔枝蝦球：比呢個名吸引咗，原來係個外型炸到好似成粒荔枝咁，金黃香脆，粒粒都好紮實。 鹹檸七用上70年代懷舊漱口膠杯，玩味十足。青檸酸味以及淡淡嘅鹽味，消暑又解渴。 生啤：打邊爐梗係要啤一啤啦🍺，大大杯又解渴。
繼續閱讀
Bookmark咗哩間雞煲好耐，今日啱啱好行尖沙咀，即刻試試。餐廳裝修得好復古風，好似返到80年代嘅香港，好得意。自家制陳年鹹檸七，香港特色飲品。陳年鹹檸好大一粒，需要自己搗碎，味道才會出來。加入可樂，飲落酸中帶點鹹香，唔錯。店家提供數款小料同秘制豉油，用來搭配雞煲一流。秘制黃蜆惹味辣雞煲，雞煲送上來仲要焗返少少。雞肉軟嫩醬香味十足，叫咗BB辣，食落唔會好辣。黃蜆嗦曬醬汁味道，隻隻食落都好鮮甜，同埋冇沙。鵝腸，FD嘅最愛，鵝腸煮耐少少都唔怕，食落好彈牙脆口。龍鳳呈祥牛肉拼盤（細），哩個拼盤有6款牛肉，其中一口牛肉粒，牛胸口同手切牛肉最為出色。牛胸口食落奶香味好重，口感Q彈爽口。手切牛肉雪花分明，微燙已經可以食。入口牛肉軟嫩，牛味好香。即制回味五香肉丁餃（6粒），好特別嘅餃子。皮偏緊實果款，餡料可以食出五香肉丁香味，好味。龍鳳呈祥（豐盛）雜菜拼盤，拼盤唔單種類豐富，店家仲把蘿蔔切成心型，好有心。蔬菜全部好新鮮，放落湯底食落更加鮮甜。
繼續閱讀
。秘製鹹蛋黃醬雞煲半隻$268鍾意食鹹蛋黃嘅朋友，千祈唔好錯過！呢度係我第一次見到有鹹蛋黃味嘅雞煲！不單止新奇有創意，而且非常有料到！鹹蛋黃味真係超級重！而且浸晒落啲雞度，真係非常香！極力推薦！。龍鳳呈祥牛肉拼盤細$388有冇人同我一樣有選擇困難症雖然我哋都好鍾意食牛肉，但係真係唔知道食邊個部份好。而且又想樣樣都要試啲，呢度就推出咗龍鳳呈祥牛肉拼盤，簡直係選擇困難症嘅福音！牛肉鮮嫩，口感非常好，而且全部都係非常新鮮㗎！食肉愛好者，不妨過嚟試吓！。日本廣島蠔$98。打邊爐又點可以冇海鮮呢？我哋就叫咗呢度嘅日本廣島蠔，真係隻隻都非常新鮮！入去稍微浸幾分鐘就會變成一道美味佳餚！又大隻又多汁，仲非常之肥添！。即製回味五香肉丁餃六隻$78五香肉丁餃，真係呢度嘅一大特色！除咗五香肉丁味之外，呢度仲推出咗沙嗲牛肉餃子，真係非常之有創意！食落去真係令人聯想到唔香肉丁！口感同埋味道都好有質素！回味五味交集嘅童年！🫶🏻。龍鳳呈祥雜菜拼盤$138大家千祈唔好睇小呢個雜菜拼盤！除咗超級大份之外仲好有心思！嗰度有好靚嘅心形白蘿蔔，整到好似波板糖咁真係非常浪漫，仲有超級多我哋鍾意食嘅娃娃菜，同埋超級甜嘅粟米！。自家製陳年鹹檸七 $38基本上係我每次嚟到都一定要嗌飲品！呢度嘅鹹檸七真係非常之有料，個餡係佢哋自家特製，大家絕對可以放心，健康又好味！配上三款可以選擇嘅飲品七喜可樂同埋建議可樂啱晒唔同人嘅口味！食完熱氣嘢嚟返杯涼浸浸，真係爽到冇朋友！
繼續閱讀
🥚秘製鹹蛋黃醬雞煲 半隻本身雞煲已經好惹味，相當足料之餘雞肉比我想像中鮮嫩彈牙，兩個人食半隻雞份量剛剛好！秘製鹹蛋黃醬鹹香加蛋香十足，金黃色非常濃郁但配搭雞煲又唔會太濃味，之後加上上湯作火鍋，更有粒粒蛋黃，口感不錯！🥩 龍鳳呈祥牛肉拼盤（細）肉拼盤有牛舌片、手切牛肉、牛胸油、牛金錢展、牛肉粒及雪花肥牛。牛肉味香濃無雪味，而牛肉粒粒打邊爐原來都好OK，比牛肉片更保持肉味及嫩口，而牛胸油爽口零肥膩感，需要看似非常邪惡，但肉質有彈力又煙靭！🥟 即制回味五香肉丁餃（6粒）即制餃皮偏向厚，但勝在相當爽滑有口感！五香肉丁餡料紮實，食到粒粒肉丁，味道創新。🦐 龍鳳呈祥手打鮮蝦丸（6粒）鮮蝦丸彈牙，新鮮製有鮮味又爽滑，加上粒粒蟹籽增添口感。🥬龍鳳呈祥［豐盛］雜菜拼盤蔬菜拼盤非常「墜手」，滿滿拼砌一整盤新鮮蔬菜，仲有蕃茄、粟米、蓮藕、雲耳、白蘿蔔等等，而且仲有擺盤，打卡夠colorful。🍋自家製陳年鹹檸七打邊爐少不免會”熱氣”，飲番杯鹹檸七解渴又清熱。鹹檸原粒送上，想幾鹹可以自己調教，鍾意佢用上懷舊膠杯，玩味十足。
繼續閱讀