影片
更多
2023-08-15
1292 瀏覽
之前有一次經過都留意到呢間餐廳，門面好文青feel，行一條白色樓梯上去會見到餐廳內部都算大，有少少快餐嘅感覺但又唔係好快餐咁。今次專登同男朋友過嚟試試呢間文青feel新加坡菜餐廳。———————————————🌟叁岜魔鬼魚 $148呢次真係人生初嚐魔鬼魚，之前一直都未食過今次食都有少少心理障礙。但好采佢嚟到個擺盤原來同普通魚唔係差好遠，基本上肉嘅部份係超多只有少量好扁嘅骨。配上呢個自製叁岜辣椒醬更添惹味。.🌟媽蜜雞 $108呢個雞嘅醬汁味道超正，果種蜜糖甜度夾雞食超一流，同埋佢個雞有一陣好香嘅燒汁味道。另外份量方面一啲都唔馬虎，$108都有超多件雞，最後真係食唔曬🤣.🌟海鮮板麵 $138板麵係一種新加坡路邊攤常見嘅食物，配上濃郁高湯同各種配料，呢個海鮮板麵用料真係好足，蝦同青口都有各兩大舊，上面仲有溫泉蛋同新鮮蔬菜，另外加有碎肉、江魚仔同香菇片成個口感都好豐富而且充滿風味。.🌟咖椰爆醬 $68呢個甜品其實就係當初最吸引我食呢間餐廳嘅野，但老實講佢真係比我想像中更邪惡，入面有成塊牛油，另外有咖椰醬、花生醬、朱古力醬，每種醬汁都係一整片咁搽，上面仲灑有一層厚厚嘅美祿粉，全部都非常邪惡。但我
之前有一次經過都留意到呢間餐廳，門面好文青feel，行一條白色樓梯上去會見到餐廳內部都算大，有少少快餐嘅感覺但又唔係好快餐咁。今次專登同男朋友過嚟試試呢間文青feel新加坡菜餐廳。
———————————————
🌟叁岜魔鬼魚 $148
呢次真係人生初嚐魔鬼魚，之前一直都未食過今次食都有少少心理障礙。但好采佢嚟到個擺盤原來同普通魚唔係差好遠，基本上肉嘅部份係超多只有少量好扁嘅骨。配上呢個自製叁岜辣椒醬更添惹味。
.
🌟媽蜜雞 $108
呢個雞嘅醬汁味道超正，果種蜜糖甜度夾雞食超一流，同埋佢個雞有一陣好香嘅燒汁味道。另外份量方面一啲都唔馬虎，$108都有超多件雞，最後真係食唔曬🤣
.
🌟海鮮板麵 $138
板麵係一種新加坡路邊攤常見嘅食物，配上濃郁高湯同各種配料，呢個海鮮板麵用料真係好足，蝦同青口都有各兩大舊，上面仲有溫泉蛋同新鮮蔬菜，另外加有碎肉、江魚仔同香菇片成個口感都好豐富而且充滿風味。
.
🌟咖椰爆醬 $68
呢個甜品其實就係當初最吸引我食呢間餐廳嘅野，但老實講佢真係比我想像中更邪惡，入面有成塊牛油，另外有咖椰醬、花生醬、朱古力醬，每種醬汁都係一整片咁搽，上面仲灑有一層厚厚嘅美祿粉，全部都非常邪惡。但我最欣賞佢嘅地方其實係佢果三層麵包，真係烤得非常之香脆，如果可以就咁買麵包我應該都會叫🤭
.
🌟美祿爆炸 $58
大推嘅飲品，見其他人都有叫呢杯飲品，上面充滿好多美祿粒粒，下面嘅美祿都非常之濃郁。
.
🌟斑斕咖啡 $32
呢杯斑斕咖啡同我之前飲嘅有少少唔同，感覺佢斑斕味唔算好重，特別係冇果種青味，不過佢有獨有嘅咖啡香，係出面啲餐廳飲唔到嘅味道，如果本身鍾意飲咖啡呢個都好值得一試。
.
🔸整體評價🔸
菜式基本上都高質，而且份量都好多，大推嘅咖椰爆醬另外有個少點邪惡版本，建議大家想試又怕肥都可以選擇果一個～
張貼
