影片
更多
2023-11-21
53 瀏覽
今次呢間餐廳都係一間收藏得比較耐嘅甜品，一樣有正餐提供，門口一望就已經好有日本feel，再加上入面嘅裝飾仲可以打下卡。———————————————🌟黑朱古力 Montblanc $158呢個甜品係以pancake同雪糕作為中心，然後外面再圍繞一層好似Mont blanc咁。中間嘅pancake、雪糕什至外層都可以自己簡味。我入面就選擇咗抹茶蛋糕同pancake，切開果下已經覺得好正，入面個pancake好鬆軟都幾香，不過如果真係撈埋外層朱古力其實會係朱古力味為主調，但我意思絕對唔係覺得唔好食，反而呢層黑朱古力真係精華，非常香濃唔會太甜，食完pancake都忍唔住清曬碟上一條條嘅黑朱古力。.🌟牛肉丼 $148佢呢個係連同一個沙律同湯，湯係麵豉湯味道都可以，沙律菜都新鮮不過實在係太多醬所以有少少太咸。至於牛肉方面牛肉味都算濃，個汁底係有啲似壽喜燒嘅汁，但如果再濃少少送傻就會更正！.🌟抹茶富士山 $56打卡必叫富士山系列，面頭係400次嘅抹茶奶蓋，確實係味道濃郁得黎又好濃滑，試完後再攪勻多圈，飲落唔會太甜好唔錯。.🌟白桃特飲 $48白桃味好重，唔會太甜好適合鍾意飲果汁嘅人士，而且佢果杯都做
今次呢間餐廳都係一間收藏得比較耐嘅甜品，一樣有正餐提供，門口一望就已經好有日本feel，再加上入面嘅裝飾仲可以打下卡。
———————————————
🌟黑朱古力 Montblanc $158
呢個甜品係以pancake同雪糕作為中心，然後外面再圍繞一層好似Mont blanc咁。中間嘅pancake、雪糕什至外層都可以自己簡味。我入面就選擇咗抹茶蛋糕同pancake，切開果下已經覺得好正，入面個pancake好鬆軟都幾香，不過如果真係撈埋外層朱古力其實會係朱古力味為主調，但我意思絕對唔係覺得唔好食，反而呢層黑朱古力真係精華，非常香濃唔會太甜，食完pancake都忍唔住清曬碟上一條條嘅黑朱古力。
.
🌟牛肉丼 $148
佢呢個係連同一個沙律同湯，湯係麵豉湯味道都可以，沙律菜都新鮮不過實在係太多醬所以有少少太咸。至於牛肉方面牛肉味都算濃，個汁底係有啲似壽喜燒嘅汁，但如果再濃少少送傻就會更正！
.
🌟抹茶富士山 $56
打卡必叫富士山系列，面頭係400次嘅抹茶奶蓋，確實係味道濃郁得黎又好濃滑，試完後再攪勻多圈，飲落唔會太甜好唔錯。
.
🌟白桃特飲 $48
白桃味好重，唔會太甜好適合鍾意飲果汁嘅人士，而且佢果杯都做到漸變色一樣可以打卡。
.
🔸整體評價🔸
甜品味道比較出色，pancake專門果然真係唔錯，我見佢另外都仲有拿破崙同好多種pancake口味，下次銅鑼灣食完飯個胃仲有位應該會過黎食🤭
張貼
