更多
2023-05-06
890 瀏覽
【觀塘區】【慢煮屋】今日去觀塘搵嘢食，主要原因係去嗰邊交收，順便食個飯呢家嘢就合情合理啦。呢排執房工作進行得如火如荼，搵到啲北海道新幹線開幕嘅宣傳海報，自己 keep 起一份，其他送畀朋友，之前應該係唔記得咗，咁就擺咗四年喇。講到執嘢，我都真係執咗好多嘢出嚟，充滿回憶，而家再將佢哋以時間嘅順序收納喺一個整齊嘅環境入面真係幾治癒。當中有一堆新加坡明信片同郵票，本身係自己珍藏，趁大家都冇得飛就拎晒出嚟寫，寫好就寄畀新加坡朋友再寄返香港。寫呢篇嘢嘅時候應該係啱啱香港呢邊收到明信片嘅嗰日嚟，所以我先諗起就不如寫埋落呢度，記低呢件事。呢招其實我唔係第一次出，上年雖然有歐洲之旅，不過我都發行咗我「出國 15 週年明信片」，寄去日本再搵朋友寄返香港，當時反應都唔錯。就係喺咁嘅狀態之下，我將自己有多，但其他人可能會珍而重之嘅嘢無償咁送出去，仲盡就對方地點。一直覺得個社會嘅循環應該係「我對你好，你對佢好，佢對返我好」咁樣去運作嘅，縱使而家個社會係反方向咁行緊，不過做好自己周圍先。朋友未到，唔緊要，佢未有咁快之下，我一條友去搵吓嘢食，刷吓觀塘區數據都好，咁就貢咗去駱駝漆大廈喇。見到三期長期咁多人等電梯，入
講到執嘢，我都真係執咗好多嘢出嚟，充滿回憶，而家再將佢哋以時間嘅順序收納喺一個整齊嘅環境入面真係幾治癒。當中有一堆新加坡明信片同郵票，本身係自己珍藏，趁大家都冇得飛就拎晒出嚟寫，寫好就寄畀新加坡朋友再寄返香港。
寫呢篇嘢嘅時候應該係啱啱香港呢邊收到明信片嘅嗰日嚟，所以我先諗起就不如寫埋落呢度，記低呢件事。呢招其實我唔係第一次出，上年雖然有歐洲之旅，不過我都發行咗我「出國 15 週年明信片」，寄去日本再搵朋友寄返香港，當時反應都唔錯。
就係喺咁嘅狀態之下，我將自己有多，但其他人可能會珍而重之嘅嘢無償咁送出去，仲盡就對方地點。一直覺得個社會嘅循環應該係「我對你好，你對佢好，佢對返我好」咁樣去運作嘅，縱使而家個社會係反方向咁行緊，不過做好自己周圍先。
朋友未到，唔緊要，佢未有咁快之下，我一條友去搵吓嘢食，刷吓觀塘區數據都好，咁就貢咗去駱駝漆大廈喇。見到三期長期咁多人等電梯，入去八吓先，幾乎個個都 11 樓出，然後去排某間烏冬店，嘩，係咪咁堅，搵日唔使排隊就拜會吓。
我自己就去咗同一層嘅另一邊食另一間叫慢煮屋嘅餐廳，店如其名，都係食啲慢煮嘢。其實我一向對慢煮嘢感覺麻麻，叫個「慢煮火炙牛腹扒丼」睇吓咩料。我覺得啲牛本身質素平庸，不過慢煮係幫到佢令到嫩滑咗，醬汁又一般，屬正常之作。
加咗 $20 配「真。鵝肝」，做到外脆內軟又夠香，幾 okay 呀。佢哋個「鮮菠蘿乳酸特飲」賣晒就得返「乳酸特飲」，見店員話佢係自家製作就支持吓，飲落淡過原味可爾必思，不過清清哋唔算過份。碗「麵豉湯」係跟飯配上，都係正正常常。
食完飯見到海報宣傳佢哋個秋冬限定甜品「蜜糖布甸燒」，就用 $18 叫個嚟試吓。當然同「呦呦鹿鳴布丁燒」嗰啲有距離，只係蛋糕面布甸底嘅一舊甜品，不過睇返價錢就算啦，佢性價比又 okay 吖咁。成餐飯 $146，我又唔覺得過份。。。
（地址：觀塘開源道60號駱駝漆大廈3期11樓G室）
#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #1ambackup #1am0517 #globaleats #tastyfood #foodpics #followforfollowback #love #eat #1am觀塘區 #觀塘 #官塘 #慢煮屋 #駱駝漆大廈 #駱駝漆大廈三期 #駱駝漆三期 #慢煮 #慢煮火炙牛腹扒丼 #鵝肝 #乳酸特飲
張貼
