影片
更多
2023-06-01
178 瀏覽
【油尖旺區】【風雲丸】近紅館嘅位置我做咗個 1am紅館 系列之後，嗰邊啲嘢食都食得七七八八，所以要將核心嘅內圍擴展到去核心嘅外圍，去遠少少食。講到尾其實咪即係尖東，因為紅磡去到蕪湖街嗰邊其實我都食過唔少餐廳，有啲又要排隊。一直都有人問我日式拉麵邊間好食，只可惜我只係比較多食潮式粉麵，日式拉麵真係好少食，同埋冇乜感覺，好難比較高低，只能夠單純地講啲流於表面嘅嘢。嚟到呢間「風雲丸」見佢仲有「下午茶套餐」，就叫個嚟食吓。我叫嘅係 $88 嘅「魚介醬油豚骨炙燒豚肉沾麵」，沾麵我更加唔識食，見佢個湯係用石鍋熱辣辣咁上覺得幾有誠意，搵啲麵稍為拖一拖之後食都幾好。麵上面有塊炙燒豚肉，肥瘦適中，質素係可以嘅，嘢飲「熱綠茶」就一般。個餐仲有個小食，我揀咗「沙拉炸餃子」兩件，味道都唔錯。不過其實另一款小食我都想食，就加 $18 要埋「燒汁唐揚炸雞」，啲雞都幾滑，燒汁又幾濃，都係幾好食嘅。咁樣夾埋玩咗我 $106，食個日式拉麵下午茶係咁上下掛。。。（地址：尖沙咀麼地道30號Mody House地舖）
一直都有人問我日式拉麵邊間好食，只可惜我只係比較多食潮式粉麵，日式拉麵真係好少食，同埋冇乜感覺，好難比較高低，只能夠單純地講啲流於表面嘅嘢。嚟到呢間「風雲丸」見佢仲有「下午茶套餐」，就叫個嚟食吓。
我叫嘅係 $88 嘅「魚介醬油豚骨炙燒豚肉沾麵」，沾麵我更加唔識食，見佢個湯係用石鍋熱辣辣咁上覺得幾有誠意，搵啲麵稍為拖一拖之後食都幾好。麵上面有塊炙燒豚肉，肥瘦適中，質素係可以嘅，嘢飲「熱綠茶」就一般。
個餐仲有個小食，我揀咗「沙拉炸餃子」兩件，味道都唔錯。不過其實另一款小食我都想食，就加 $18 要埋「燒汁唐揚炸雞」，啲雞都幾滑，燒汁又幾濃，都係幾好食嘅。咁樣夾埋玩咗我 $106，食個日式拉麵下午茶係咁上下掛。。。
（地址：尖沙咀麼地道30號Mody House地舖）
張貼
