161
15
30
港鐵尖沙咀/尖東站 N4 出口, 步行約1分鐘 繼續閱讀
所有分店 (2)
電話號碼
25130693
營業時間
今日營業
11:00 - 00:30
星期一至四
11:00 - 23:00
星期五至六
11:00 - 00:30
星期日
11:00 - 23:00
付款方式
Visa Master AlipayHK 支付寶 現金 八達通 銀聯
其他資料
Wi-Fi
酒精飲品
加一服務費
當面支付
食評 (226)
等級4 2019-09-17
872 瀏覽
同屋主在家開派對,其實她很好,有邀請埋我,但我卻.....怕陌生人,可能有社交恐懼,所以還是為自己安排一連串節目,先去facial,再晚餐、返church 和嘆咖啡,待差不多時間才回家吧!Facial後便四處逛逛,竟然發現「風雲丸」,以為只在灣仔有店,原來尖沙咀也有分店。門面設計吸引,採用富動感的字體、掛上日式布簾和一排排紅白燈籠,而招牌就用了多個閃亮的燈泡圍着,在大街中顯得特別搶眼。店內的裝潢更具特色,色彩繽紛的牆身圖畫、多句日語、店頂懸掛繩網等等,都很吸晴。長方形格局,座位不少,泊牆設有一排長椅配二至四人枱,而中間則有兩排長枱,最入端有設計成居酒屋的吧枱座,可看到師傅正忙過不停。看看枱上的物品,放齊餐具、紙巾、檸檬水、調味料、餐牌和點菜紙,都算幾齊備,而調味料分別有餃子汁、黑椒粉、蒜粉和一味料,但今日就未需要用上。雖主打沾麵,但亦有拉麵, 還有子供套餐、羽根餃子、唐揚炸雞、追加配料、石燒飯、丼物、小食、甜品和飲品,還有一款期間限定,就馬上取張點菜紙剔出自己所需。*****************熱辣辣,香噴噴的石燒野菜豚角豚骨魚介沾麵 Tsukemen with vegetable & pork dice ($103)上枱啦!盤上放有一碢熱度十足的野菜豚角豚骨魚介湯、一碟配有少許瓜菜的冷麵條(本是200g,我再指定少麵)、一角檸檬和一個小碗。先趁熱呷一口湯,質感濃厚黏口,香濃的豚肉味滲出鹹鮮的魚香,味道唔會太鹹,加上內有大量野菜,再唧些檸檬汁,有助中和油膩感,配搭合宜。豚角約有六至七件,份量唔少。每粒只是夾雜少許肥膏,不會太肥膩,正合我心意。咬出絲絲的肉絲,肉質紮實兼肉味香濃,味道和口感也不錯!按牆上的小指引而行,先挾起麵條浸入湯中便可享用,而我就想令其更入味,就浸耐一點,沾湯的確熱度十足,麵條變得熱騰騰,更滋味!冷麵的確很有嚼勁,滑而彈牙,而濃厚的湯汁亦緊緊沾在麵條上,鹹鮮香濃,很美味。而在麵條上的翠肉瓜和粟米芯也有下功夫,見到經過輕烤,兩者都爽脆清甜,也討我喜歡。*****************吃拉麵必要有味玉 Egg ($12),所點的那款沾麵沒有,那就追加一隻吧!原隻上枱,咬一口,嘩! 流心狀極佳,鮮黃的蛋黃汁不斷滴下,很誘人。全隻味玉都極之黏滑,亦富有蛋香,而蛋白亦滑溜,鮮香帶微甜,教人回味,很想再來多隻呀!另再追加了一客海苔 Seaweed ($12/3pcs),大大塊,又脆又香,浸一浸熱湯又是另一種美味的食法。還有粟米 Sweet corns ($12)都幾有份量,粒粒圓潤飽滿,沒有作任何添加,清爽甜美。最後是野菜 Vegetable ($20),份量都幾足,但款式不多,只有有芽菜和椰菜,兩者都清爽,帶有蔥香,烹調入味。*****************飲品選擇不少,有一般飲品、多款日本直送飲品和酒精飲品。一樽樽放在我眼前,就被一身粉紅的月桂冠山梨縣水蜜桃果汁清酒($38)。一樽200ml,酒底是清酒,酒度只含3%,以我的酒量一定唔會醉,絕對放心!配以桃、糖、酸味料等。味道香甜,淡淡酒香,相當易入口,幾好喝。----------------------------觀察四周,見到牆上有不少正面的詞語,要正正貼在我面前就是「笑顏」。無錯!吃完美味的沾麵的確令人不禁展露笑顏。 繼續閱讀
等級4 2019-10-26
37 瀏覽
因為趕着陪客戶購物沒來得切吃晚飯,又已經差不多晚上九時,決定簡單的吃碗拉麵,站在對面就看到門面吸引的 風雲丸。這裏以招牌沾麵作主打,款式多而且有不同口味,有辣有唔辣,份量足料而且價錢合理。《咖喱魚介沾麵》 $93我點了 咖喱魚介沾麵,特別一提如果你是大胃王的話可以免費加大面底,免費選擇 特盛 400g,分量真係有點像相撲手的食糧。麵跟石鍋湯是分開上的,夾著熱麵放進熱騰騰的石鍋咖喱湯汁中,石鍋盛湯可以保持熱度,沾麵精華慢慢吃也不會涼。粗身的沾麵很容易便掛上濃郁香辣的咖喱汁,惹味非常!麵條彈牙可口,入口有咬勁。配菜方面有味荀和肥美的豚肉,豚肉脂肪分布平均,一層肥一層瘦,入口軟滑,口感豐富肉質軟腍。《野菜》$20女生要吸收多一點纖維,大大碟野菜感覺健康。《唐掦炸雞 》$35酥脆可口,外脆內軟,肉汁滿滿的。《羽根燒餃子 》$35這裏的餃子正宗口味,就像天使之翼,沾上特製餃子汁更美味。《煎茶雪糕》$28最後在麵店還可以享受到完美的甜品,味道甘甜,一冷一熱刺激味蕾。《三矢蘇打》$20整體來說很喜歡石頭鍋沾麵的飲食體驗,店員服務細心到位,座位寬敞,下次會再來! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-26
470 瀏覽
好似話呢間野個老闆真係係日本人黎架!今日同個朋友黎個 Quick Lunch,又唔想食飯,所以去左食個拉麵,終於食到呢間成日經過既風雲丸拉麵!睇睇餐牌,佢主要分為兩類,沾麵及拉麵兩款,另外都仲會有炒飯及小食等,所以其實選擇都幾多,如果揀好咗,就係右邊嗰張落單紙度畫低,再比店員就可以啦由大門開始,成個環境裝潢都好日本架,搞到真係好想去日本囉!一開始先黎個小食,食個唐揚炸雞先!都幾正架,一碟有5大件,我地兩個人食,每人都有兩至三件我地揀左原味,雖然無其他醬汁,不過味道已經好夠,炸到外脆內軟既佢,咬開件雞,入面仍有肉汁架!值得一試先介紹呢個我朋友叫嘅,豚骨魚介味玉沾麵,呢個沾麵係餐廳其中一個主打嘅麵款之一,麵同醬汁分開,而且佢嘅醬汁仲用一個石頭鍋裝住,上枱嘅時候可見,非常滾熱辣,而且香氣撲鼻,非常吸引佢嘅特色就係當你食每啖麵嘅時候,將適量嘅麵放入右邊嘅石頭鍋醬汁入面,除咗可以食到佢嘅熱辣辣溫度之外,佢嘅味道亦都係最濃郁極為香濃嘅豚骨魚介醬汁,將軟硬度啱啱好嘅麵條放落去,麵條嘅掛湯能力非常高,所以完全食到呢個醬汁嘅精髓,非常出色而我就叫左呢個豬骨魚介拉麵,雖然佢冇沾麵咁有特色,但係佢呢個味道都唔錯㗎,一大塊嘅豚肉係入面,拉麵當中亦唔花巧,所以可以重點放喺佢嘅醬汁方面同樣地,每一啖拉麵都可以食到呢個湯底嘅香濃味道,拉麵嘅掛汁能力其實真係好高,所以每一啖拉麵都非常好味,完全食盡呢個湯底豚骨魚介既味道 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-31
881 瀏覽
大半年冇食過沾麵, 一想到沾麵, 第一時間諗起大半年前去過風雲丸, 印象中味道唔錯, 今晚收工我地再去!風雲丸尖東站出去, 過條馬路就到, 夠方便! 呢間沾麵確實係人氣之店, 每次經過, 店內總有滿滿食客~ 等左陣, 很快被安排入座, 呢度地方唔大, 座位較窄, 但食物味道總比環境佔優!沾麵湯底配搭主要為魚介湯, 至於可自選麵既份量, 400g以下都係free~ 麵既溫度更可自選冷同埋常溫,而且亦可因應個人喜好走掉某些配菜~【咖哩豚骨魚介沾麵】HK$93今晚特別餓, 揀左400g size麵, 湯底以熱辣辣石鍋盛裝, 湯底還是熱得滾滾下, 散發著陣陣咖哩香~湯底較杰, 容易掛湯, 味道濃郁兼有魚香味, 鹹中帶少少咖哩既香辣, 非常惹味~ 揀左冷麵底, 其實唔係很冰凍果種, 但沾上湯汁後, 外熱內暖, 感覺很正! 麵質彈牙, 至於豚肉肥瘦相間, 咬落唔會成口油, 表面煎至焦香, 質地很林~  另外加左HK$12叫多個【粟米粒】增加口感~【信州提子蘇打】HK$28出面較少機會見到呢款提子汁, 夠汽~ 甜甜地, 唔錯!【沙拉唐揚炸雞】HK$38對上一次食過呢度既炸雞, 今次再order! 驚喜今次炸雞炸得表面乾身香脆, 內裡keep到肉汁, 都幾嫩~配上沙津醬, 味道更加提升!【日本米雪糕】HK$28同樣出面很少可以買到, 有淡淡米香, 當中有少少略帶煙韌既米飯粒~ 繼續閱讀
(以上食評乃用戶個人意見 , 並不代表OpenRice之觀點。)