金樂軒雞煲魚鍋

營業中

休息中

今日同阿爸去咗屋企附近嘅金樂軒食lunch，餐廳主打雞煲魚鍋，雖然係晏晝，都有火鍋供應。我哋點咗酸菜魚鍋，同粉絲蝦煲。酸菜魚鍋入面有好多酸菜，酸酸辣辣好足料惹味。桂魚非常新鮮同滑溜，個煲仲可以用嚟打邊爐。另外點咗薯粉，菜心，墨魚滑，雲吞拼水餃，好豐富。我好鍾意個粉絲蝦煲，炒得超香，粉絲索曬蝦嘅香味，非常好味，清曬。火鍋配料中最喜歡墨魚滑，真係超級彈牙，平時食開既都冇咁好味㗎。呢度環境唔錯，坐位闊落 ，有電視睇慢慢打邊爐真係爽呀。飲品方面，有餐廳自家都嘅竹蔗茅根，足料又冰涼，非常正。老闆同店員服務仲好好，好有禮貌同好親切。