翠林辣蟹舫

最近疫情關係，出街食飯食夜啲都有啲麻煩，呢度出咗名食蟹嘅翠林辣蟹舫，營業到深夜十二點，仲可以坐到六人一台添，好適合一大班朋友食飯聊天聚會。避風塘炒蟹各種招牌蟹有好多種唔同款式煮法，辣度仲有大中細可以揀，我哋揀咗避風塘炒蟹，一上枱隻感到隻蟹霸氣十足，下面嘅炸蒜喺呢道菜嘅精髓，炸蒜分明，份量好多，蟹肉鮮香之餘沾滿左炸蒜味道，食落勁酥脆惹味，蟹肉啖啖肉，蟹鉗仲好大隻肥美，蒜香加埋辣辣地嘅味道令人食慾大增。今次鎮店之寶避風塘炒蟹，七月做緊推廣，蟹類美食8折再送黃金流沙蝦球。黃金流沙蝦球除咗蟹之外，蝦球都係招牌菜之一，蝦球表面充滿着鹹蛋黃嘅鹹香味道，口感外脆，蝦肉彈牙，食落回味無窮。食神炒飯一上枱見到活靈活現嘅鯉魚造型好有驚喜，鯉魚好似係個碟中游水，聽講食神炒飯係食神戴龍師傅所創作，傳授咗俾翠林嘅師傅英哥。蟹籽係呢個炒飯嘅精粹，食落爽口彈牙，咬落卜卜脆，飯用左日本珍珠米同埋意大利野米，粒粒分明有米香，加埋海蝦丶豆等等，材料同口感都好豐富。蜂蜜醬燒黑毛豬排黑毛豬排肉質軟淋，外表有蜂蜜醬同埋孜然香，燒得惹味。 酥脆蠔仔餅蠔仔餅酥脆香口，食落蛋香十足，配上鮮美嘅蠔仔，蠔仔啖啖肉，令人忍唔住食完一啖又一