影片
更多
2023-05-04
244 瀏覽
【屯門區】【PEPPER LUNCH】首先祝大家聖誕快樂，雖然都唔係第一次同大家過聖誕，不過今年係有唔同嘅，就係我終於可以喺單身嘅情況之下，喺聖誕節假期嘅期間同啲妙齡少女見面。朋友就話有啲想食 PEPPER LUNCH，我作為一個對女性忠心耿耿嘅一隻舔狗，固然係要諗盡辦法討好同逢迎。話雖如此，自己都其實對呢間嘢有啲興趣，唔係本身反感而因為要迎合女性先委曲求存。不嬲都覺得呢間啲鐵板肉飯幾正，個人最中意佢啲黑椒，所以餐廳名有 PEPPER 呢個字係有佢嘅道理。諗唔到食乜之際，見到聖誕餐，就叫個嚟食吓啦。所謂嘅聖誕餐，誠然個正名係「美國薄切肉眼牛扒二人套餐」，因為佢只係得宣傳單張寫係聖誕餐，然後淨講食物嘅話個餐其實係完全冇聖誕成份喺裡面嘅，都係由兩份平時都叫得到嘅主食所組成，合埋一齊個價錢平咗，咁就叫聖誕餐喇喎。唔緊要嘅，我就醉翁之意不在酒，作為小毒毒，有女陪食已經謝天謝地謝天華。個餐有兩份嘢食，一份係「珍寶黑椒牛肉拼雞肉飯」，而另一份係「美國薄切肉眼牛扒配飯」，當時我同佢兩個都係處於一個有啲飽足嘅狀態，所以後者係走飯嘅。前者係一款佢哋嘅 signature 嘢，如果大家之前係有食過 PEP
話雖如此，自己都其實對呢間嘢有啲興趣，唔係本身反感而因為要迎合女性先委曲求存。不嬲都覺得呢間啲鐵板肉飯幾正，個人最中意佢啲黑椒，所以餐廳名有 PEPPER 呢個字係有佢嘅道理。諗唔到食乜之際，見到聖誕餐，就叫個嚟食吓啦。
所謂嘅聖誕餐，誠然個正名係「美國薄切肉眼牛扒二人套餐」，因為佢只係得宣傳單張寫係聖誕餐，然後淨講食物嘅話個餐其實係完全冇聖誕成份喺裡面嘅，都係由兩份平時都叫得到嘅主食所組成，合埋一齊個價錢平咗，咁就叫聖誕餐喇喎。
唔緊要嘅，我就醉翁之意不在酒，作為小毒毒，有女陪食已經謝天謝地謝天華。個餐有兩份嘢食，一份係「珍寶黑椒牛肉拼雞肉飯」，而另一份係「美國薄切肉眼牛扒配飯」，當時我同佢兩個都係處於一個有啲飽足嘅狀態，所以後者係走飯嘅。
前者係一款佢哋嘅 signature 嘢，如果大家之前係有食過 PEPPER LUNCH 呢間嘢，應該都好大機會涉獵過，我就唔多講喇。其實後者都只係啲肉唔同咗，其他嘢都係一樣。而個美國薄切肉眼牛扒講明係薄切，都唔會有咩好大突破，只係啲牛味足咗。
個套餐包兩個特色小食，有五樣嘢揀，不過兩個都要晒「蜜糖粟米」算，反正質素都係咁。而嗰兩杯精選飲品我哋揀咗「利賓納」，係 200 毫升紙包裝嗰隻，略嫌唔夠喉。而每份主食都加咗「雞蛋及芝士」，每份 $10，我覺得都係要加嘅。
總括而言，呢餐面值 $200 都唔算貴，如果係用聖誕餐嘅標準嚟講。就好似我呢種「度縮自私怪」，可以約到異性已經係一個好大嘅獎賞，餐飯嘅價錢係另一件事。不過由於唔想冷落女伴，所以我一時忘記咗影個門面，不過佢唔難搵嘅，放心。。。
（地址：新界屯門屯盛街1號屯門市廣場一期2樓2253A-2256A美食廣場8號檔）
#1amfoodie #hkig #foodiehkgirl #hk #hongkong #hongkongfoodie #hkfoodblogger #foodiehk #topcitybiteshk #hkeat #hkfoodstagram #foodiesofinstagram #foodgasm #instagood #love #hkigfood #hkfoodlove #hkfoodblog #hkrestaurant #foodieman #香港 #香港吃貨 #吃貨 #食物 #小食 #1am屯門區 #pepperlunch #FoodMaze #美食廣場 #foodcourt #屯門市廣場一期 #屯門市廣場 #美國薄切肉眼牛扒二人套餐 #珍寶黑椒牛肉拼雞肉飯 #美國薄切肉眼牛扒配飯 #merrychristmas
$100
20 瀏覽
0 讚好
0 留言
張貼
