影片
更多
2023-10-03
1901 瀏覽
🌟香煎北海道帶子 Hokkaido Scallops帶子本身都幾大粒，調味方面都好特別，上面配有麵豉醬食落有咸香感更帶出帶子嘅味道，下面就有層綠色醬應該係開心果仲有少少碎粒幾有咬口。帶子熟成度都掌握得好好，表面煎到金黃色內裡透透地嘅半熟狀態。.🌟煙三文魚芝士卷 Salmon Cheese Rolls呢個三文魚卷都係一個好特別嘅菜式，擺盤好有心思，旁邊有三文魚同青瓜卷中間就有沙律菜，煙三文魚內側包有忌廉芝士、青瓜同海帶，上面再有蟹籽做點綴，咬落有好多層口感，大大啖食落去都好滿足。.🌟燴澳洲牛面頰 Beef Cheek呢個牛面肉真係不得了，先係份量方面已經非常出色，一般出面都係得一至兩舊，呢度竟然有成4大舊，每舊食落牛味重之餘仲非常腍身。下面仲有兩件小蘿蔔，蘿蔔好入味什至有少少焦糖脆面非常有驚喜。.🌟烤澳洲羊西冷 Grilled Lamp Stripioin呢個西冷羊架肉質非常嫩，唔會有任何筋，羊味都好重。平時出面都係羊架多，呢個羊西冷唔洗連骨食落都好方便。.🌟Rosy Romance呢杯mocktail 以玫瑰茶做基底再加有蘋果汁，飲落係花香中帶甜味，不過如果濃多少少會更好。.🌟Pass
🌟香煎北海道帶子 Hokkaido Scallops
帶子本身都幾大粒，調味方面都好特別，上面配有麵豉醬食落有咸香感更帶出帶子嘅味道，下面就有層綠色醬應該係開心果仲有少少碎粒幾有咬口。帶子熟成度都掌握得好好，表面煎到金黃色內裡透透地嘅半熟狀態。
.
🌟煙三文魚芝士卷 Salmon Cheese Rolls
呢個三文魚卷都係一個好特別嘅菜式，擺盤好有心思，旁邊有三文魚同青瓜卷中間就有沙律菜，煙三文魚內側包有忌廉芝士、青瓜同海帶，上面再有蟹籽做點綴，咬落有好多層口感，大大啖食落去都好滿足。
.
🌟燴澳洲牛面頰 Beef Cheek
呢個牛面肉真係不得了，先係份量方面已經非常出色，一般出面都係得一至兩舊，呢度竟然有成4大舊，每舊食落牛味重之餘仲非常腍身。下面仲有兩件小蘿蔔，蘿蔔好入味什至有少少焦糖脆面非常有驚喜。
.
🌟烤澳洲羊西冷 Grilled Lamp Stripioin
呢個西冷羊架肉質非常嫩，唔會有任何筋，羊味都好重。平時出面都係羊架多，呢個羊西冷唔洗連骨食落都好方便。
.
🌟Rosy Romance
呢杯mocktail 以玫瑰茶做基底再加有蘋果汁，飲落係花香中帶甜味，不過如果濃多少少會更好。
.
🌟Passionate Night
呢杯非常推介，成個紅酒杯咁飲落味道好清新，有百香果同西柚汁味，酸酸甜甜。
.
🔸整體評價🔸
餐廳整體感覺都係帶有古典同神秘感，食物都係有好多特別菜式，製作上都好精緻，如果大家想搵間浪漫餐廳，呢度都係一個好選擇🤭
張貼
