霸嗎拉麵 (金巴利道)

營業中

休息中

成日經過見到好多人排隊，等埋我個朋友放學十點三去食，都keep住好多人排隊，更加要試！排隊個陣見到有啲「自閉」位，好想坐呢啲位，不過最後排到坐四人枱，唔算等得耐。入到去，有一壺冰水送上，好感動。冰溶到咁上下，職員係好快又換一轉有冰嘅水，呢個位係要讚下。排隊個陣已經可以揀定食乜，我地揀左「辛辣炙燒豚肉味玉拉麵」，識食係要叫埋隻味玉。廣島麵有啲似九州博多有啲相似，適中嘅麵都ok。我地不約而同叫左辛辣拉麵少辣，記得要先呷一口湯先，朋友太心急，辣親😂豚肉肥同肉比例有6：4，唔會太肥，加上有火炙過，幾香口。對於食5小辣嘅我，少辣係剛剛好。雞叉燒成舊都係肉，唔同平時食嘅雞。我留番流心蛋最後食，好好味！