米走雞 (太子藍馬之城)

營業中

休息中

雞煲癮起，約埋朋友一齊食雞煲，兼打邊爐，米走雞四間分店，近朋友放工揀了太子分店。火焰麻辣雞煲，五個辣度選擇，職員捧上來時會點火，效果好正！雞煲裡有洋蔥、西芹、辣椒、莞茜，醬汁濃郁，雞件都是雞脾，啖啖肉。特級雪花肥牛，叫了半份牛肉，但是都好對眼，牛肉和脂肪比例平均，有入口即溶的感覺。手打蝦滑，蝦滑手打製成，有蝦味之餘，特別彈牙呀。鮮炸響鈴，每次打邊爐都必須要有的火鍋配料，這裡的響鈴是即叫即炸，大件又鬆化。山菜，雖是半份但也幾多，夠二人吃，新鮮爽脆。今次吃過，質素都不錯，下次想來試吓個芝士雞煲先！