影片
更多
2023-02-20
136 瀏覽
平時都係食開海鮮粥底火鍋，今次專燈去試試粥底蒸鍋有咩唔同，喺openrice留意到呢間餐廳有個$318套餐包曬刺身、海鮮、時蔬同主菜，專燈約埋朋友過嚟食。———————————————🌟刺身拼盤呢個刺身拼盤一共有六款剌身，每一樣食落都非常鮮美，而且份量亦都ok。.🌟八款時令海鮮今日嘅八款海鮮包括蟹、蝦、飽魚、扇貝、馬友魚、兩款蜆同貴妃蚌，不得不說海鮮真係好生猛，嚟到上台嘅時候都仲識郁。蟹食落啖啖肉，員工仲會幫你將蟹殼放落粥底熬，確保蟹蓋嘅精華都可以保留。鮑魚唔算係好大隻，但食落都好有咬口同彈性。另外值得一讚嘅係馬友魚，魚肉，食落好香滑而且唔算多骨，呢個真心正。過程中基本上都會有員工經常性幫您計時睇火，完全唔洗擔心蒸唔熟個海鮮。.🌟四款時蔬想講南瓜同芋頭都真係不得了，兩個口感都超粉嫩超好食，直頭想叫多份嚟蒸嚟食。另外仲有舊節瓜上面配有蝦乾蒜蓉，食落好似小點心咁好香口，粟米亦都非常鮮甜，唯一美中不足嘅地方就係時蔬份量真係比較少，如果多少少就更好喇！.🌟一款主食主食方面有蟲草花蒸雞烏冬，烏冬唔係平時茶記果種而係有少少稻廷烏冬feel。蒸雞有事先醃味道啱啱好，而且雞件一啲都唔肥仲非常嫩滑。.🌟
———————————————
🌟刺身拼盤
呢個刺身拼盤一共有六款剌身，每一樣食落都非常鮮美，而且份量亦都ok。
.
🌟八款時令海鮮
今日嘅八款海鮮包括蟹、蝦、飽魚、扇貝、馬友魚、兩款蜆同貴妃蚌，不得不說海鮮真係好生猛，嚟到上台嘅時候都仲識郁。蟹食落啖啖肉，員工仲會幫你將蟹殼放落粥底熬，確保蟹蓋嘅精華都可以保留。鮑魚唔算係好大隻，但食落都好有咬口同彈性。另外值得一讚嘅係馬友魚，魚肉，食落好香滑而且唔算多骨，呢個真心正。過程中基本上都會有員工經常性幫您計時睇火，完全唔洗擔心蒸唔熟個海鮮。
.
🌟四款時蔬
想講南瓜同芋頭都真係不得了，兩個口感都超粉嫩超好食，直頭想叫多份嚟蒸嚟食。另外仲有舊節瓜上面配有蝦乾蒜蓉，食落好似小點心咁好香口，粟米亦都非常鮮甜，唯一美中不足嘅地方就係時蔬份量真係比較少，如果多少少就更好喇！
.
🌟一款主食
主食方面有蟲草花蒸雞烏冬，烏冬唔係平時茶記果種而係有少少稻廷烏冬feel。蒸雞有事先醃味道啱啱好，而且雞件一啲都唔肥仲非常嫩滑。
.
🌟海鮮粥底
呢度嘅粥底比平時食開嘅較為稀，水份比較多，但味道都一樣唔錯，多咗嘅水份就好似飲海鮮湯咁，用豬骨熬製再吸收曬前面咁多款海鮮嘅日月精華，食完真係非常滿足。
.
🌟避風塘鮮魷 $68
雖然放到最後先講，但想講呢個小菜先係全晚嘅mvp，佢最好食嘅地方在於外面果陣金黃色嘅炸皮，食落同平時果啲完全唔一樣，非常香口而且厚度啱啱好，再連同各種配料一齊爆香，熱辣辣食真係好味到返尋味，呢個一定會係回訪必叫小食。
.
🔸整體評價🔸
$318有咁多款海鮮性價比其實都高，而且食完後仲有一個類似黑糖糯米糕嘅小甜品贈送為成個晚餐作結。服務方面都好唔錯，員工一直好積極觀察唔同客人嘅海鮮蒸鍋情況，添茶速度亦都非常快，加上現場幾乎都坐滿，員工依然顧好每一台，真係非常值得稱讚。
7 瀏覽
0 讚好
0 留言
張貼
