影片
更多
2019-03-30
28 瀏覽
同朋友去旺角想搵個地方坐耐啲傾吓計，於是就搵到呢間餐廳，朋友話：佢啲相個梳化好似幾好坐咁。去到金雞上樓，其實成幢大廈好似古靈精怪乜舖都有咁，都有少少驚會中伏㗎。上到去啲職員又幾好禮貌，個環境又唔錯，覺得咦又幾好啵😂點咗「蜜糖雞翼」$40、「法式忌廉煙肉雜菌燴長通粉」$98、「黑松露帶子鮮菌燴意大利飯」$112、「煙三文魚野菌燴意粉」$116，同埋薯條$32。（主食仲送一杯$34飲品，所以就會貴少少。）最欣賞個薯條，大大兜又夠新鮮，真係好好食！係嗰種你好想食薯條然後食咗會好gur，心諗：係喇係喇就係呢種薯條！其次係黑松露意大利飯，整出嚟嘅質地係港人較為接受嘅軟淋淋糊仔口感，吖但係個味又係幾鬼香濃好食，呢個又係秒清咁濟，正！其他嘅就不過不失，大部分都係ok的，而且喺樓上cafe嚟講本身都只係想搵個地方亂hea，呢到又舒服（張梳化），食物質素比同類型嘅樓上cafe好啲。啲員工喺叫嘢飲時有提我哋叫茶會抵啲，可以refill啲熱水（而佢哋係真係fill得密嘅），感覺唔錯，下次會再嚟！
去到金雞上樓，其實成幢大廈好似古靈精怪乜舖都有咁，都有少少驚會中伏㗎。上到去啲職員又幾好禮貌，個環境又唔錯，覺得咦又幾好啵😂
點咗「蜜糖雞翼」$40、「法式忌廉煙肉雜菌燴長通粉」$98、「黑松露帶子鮮菌燴意大利飯」$112、「煙三文魚野菌燴意粉」$116，同埋薯條$32。（主食仲送一杯$34飲品，所以就會貴少少。）
最欣賞個薯條，大大兜又夠新鮮，真係好好食！係嗰種你好想食薯條然後食咗會好gur，心諗：係喇係喇就係呢種薯條！
其次係黑松露意大利飯，整出嚟嘅質地係港人較為接受嘅軟淋淋糊仔口感，吖但係個味又係幾鬼香濃好食，呢個又係秒清咁濟，正！
其他嘅就不過不失，大部分都係ok的，而且喺樓上cafe嚟講本身都只係想搵個地方亂hea，呢到又舒服（張梳化），食物質素比同類型嘅樓上cafe好啲。
啲員工喺叫嘢飲時有提我哋叫茶會抵啲，可以refill啲熱水（而佢哋係真係fill得密嘅），感覺唔錯，下次會再嚟！
張貼
